દાદા હો દીકરી..
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
દાદા હો દીકરી, દાદા હો દીકરી, વાગડમાં ન દેજો રે સહી
વાગડની વઢિયારી સાસુ દોહ્યલી રે… દાદા હો દીકરી
દિ એ દળાવે મને, રાતડીએ કંતાવે સહી,
પાછલે તે પરોઢે પાણીડાં મોકલે રે… દાદા હો દીકરી
ઓશીકે હિંઢોણી મારી પાંગતિયે સિંચણીયું રે સહી,
સામે તે ઓરડીએ વહુ તારું બેડલું રે… દાદા હો દીકરી
પીયુ પરણ્યો પરદેશ મારો, એકલડી આટુલી રે સહી,
વાટલડી જોતી ને આસું પાડતી રે… દાદા હો દીકરી
ઘડો ન ડૂબે મારું સિંચણીયું ના પૂગે રે સહી,
ઊગ્યો ને આથમીયાં કૂવા કાંઠડે રે… દાદા હો દીકરી
ઊડતાં પંખીડાં વીરા સંદેશા લઈ જાજો રે સહી,
માતા છે માયાળુ આસું સારશે રે… દાદા હો દીકરી
કૂવે ના પડશો દીકરી, અકોણીયાં ન ખાજો રે સહી,
અજવાણી આઠમનાં આણાં આવશે રે… દાદા હો દીકરી
કાકાના કાબરીયા ને મામાના મુંજડીયા રે સહી
વીરાના વાગડીયા વઢીયારે ઊતર્યા રે… દાદા હો દીકરી
કાકાએ સીચ્ચું મારા મામાએ ચડાવ્યું રે સહી
વીરાએ જઈ ફોડ્યું વઢિયારીને આંગણે રે… દાદા હો દીકરી
એક્દમ સરસ ગીત છે.. અભાર્. આશાજી ના સ્વર મા પણ છે ..એ પણ એક્દમ સરસ છે..
ઘણા વખતથી આ ગીત શોઘતી હતી અને રણકાર મા મળી ગયુ. ખૂબ ખૂબ આભાર.
પૂણિમા કોટિયા
મારિ બહેનો કાય્મ મને આ ગિત ગાવા નુ કે ને રદે-પુરા સબ્દો ન હતાઆભાર્
અત્યારે તો ગરવી ગુજરાત નહિ પણ સ્વર્ણિમ ગુજતત છે તો ગુજરાતી ભાસા ને મન આપી અને અત્યારે થી ના બાલકો ને ગુજરાતી ગીતો ગવડાવી ને આગળ લાવવા