દરવાજે ઉભો છું – મનોજ ખંડેરિયા
સ્વરાંકન: દક્ષેશ ધ્રુવ
સ્વર: અમર ભટ્ટ
પીડાના ટાંકણાંની ભાત લઈ દરવાજે ઉભો છું,
કળામય આગવો આઘાત લઈ દરવાજે ઉભો છું.
નથી આવ્યો હું ખાલી હાથ તારા દ્વાર પર આજે,
કવિતાથી સભર દિન-રાત લઈ દરવાજે ઉભો છું.
તમે જેના અભાવે વાસી દીધાં દ્વાર વરસોથી,
હું એ વિશ્વાસની મિરાત લઈ દરવાજે ઉભો છું.
ઉભો દ્વારે શીશુભોળો દયામય મંદિર ખોલો,
બચેલાં શ્વાસની સોગાત લઈ દરવાજે ઉભો છું.
Related posts:
વાહ ! ક્રુતિ,સ્વરાંકન અને સ્વર સર્વાંગ સુંદર રચના. અભિનંદન નિરજભાઈ.
સુંદર ગઝલ અને એવું જ કર્ણમધુર સ્વરાંકન અને ગાયકી…
રણકારનો રણકો પુનઃ ગુંજતો થઈ ગયો એ જોઈ આનંદ થયો…
બચેલા શ્વાસનેી સોગાત લઇ દરવાજે ઉભો…… બહુજ સુદર મનોજભાઇ / નિરજભાઇ…
ગુજરાતીમાં ગઝલને ગઝલની રીતે ગાવાવાળા ગાયકો કેટલા? એમાં અમર ભટ્ટ સરતાજ ગાયક છે!
પોતાની અદભૂત ગાયકીથી ગઝલને એક નવી જ ઊંચાઈ બક્ષનાર અમર ભટ્ટને દિલથી સલામ!
સુધીર પટેલ.
બહુજ સુન્દર ગઝલ – મેહ્ન્દિ હસન ની યાદ આવિ ગઈ