Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

આગળ મોર્યાં મોગરા ને પછવાડે ગલગોટ,
સવળા વાતા વાયરા, એની અવળી વાગે ચોટ.

ભૂલકણા એ શું નહિ તુજ ભૂલ?

ખીલ્યાં કેસુ ખાખરે, એની વગડે વગડે આગ,
ફૂલડે ફૂલડે ફરી વળે મારું મન જાણે મધમાખ.

ભૂલકણા એ શું નહિ તુજ ભૂલ?

હોળી મહિનો હુલામણો, ઘેર નારી બાળે વેશ,
હું પૂછું નિર્દે નાવલા, તને કેમ ગમે પરદેશ?

ભૂલકણા એ શું નહિ તુજ ભૂલ?

રાતે વસમી ચાંદની ને દા’ડે વસમી લૂ,
વસમી વિરહની શારડી, મન વિચાર કરજે તું.

ભૂલકણા એ શું નહિ તુજ ભૂલ?

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

સ્વર: જહાનવી શ્રીમાંનકર, પાર્થિવ ગોહિલ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

કેવા રે મળેલા મનનાં મેળ, રુદિયાના રાજા,
કેવા રે મળેલા મનનાં મેળ…

ચોકમાં ગુંથાય જેવી ચાંદરણાની જાળી,
જેવી માંડવે વિંટાયે નાગરવેલ, રુદિયાની રાણી,
કેવા રે મળેલા મનનાં મેળ…

તુંબુર ને જંતરની વાણી, હેજી કાંઠા ને સરીતાના પાણી,
ગોધાણાની ઘંટડીએ સોહે સંધ્યા રે, રુદિયાના રાજા,
કેવા રે મળેલા મનનાં મેળ…

ધરતી ભીંજાય જેવી મેહુલાની ધારે,
જેવાં બીજ રે ફણગાય ખાતરખેડ, રુદિયાના રાજા,
કેવા રે મળેલા મનનાં મેળ…

સંગનો ઉમંગ માણી, હેજી જિંદગીને જીવી જાણી,
એક રે ક્યારામાં જેવા ઝુક્યાં ચંપો-કેળ, રુદિયાની રાણી,
કેવા રે મળેલા મનનાં મેળ…

જળમાં ઝિલાય જેવાં આભનાં ઊંડાણ,
જેવા ક્ષિતિજે ઢોળાય દિશના ઘેર, રુદિયાની રાણી,
કેવા રે મળેલા મનનાં મેળ…