Archive

Click play to listen all songs in ‘ભુપિન્દર સીંગ’ Category
This text will be replaced by the flash music player.

તારા નયનથી – કમલેશ સોનાવાલા

August 5th, 2009 2 comments

સ્વર: ભુપિન્દર – મિતાલી સિંઘ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

તારા નયનથી જામ ઢળીને બની ગયો છે સાગરજી,
સુંદર છીપો સર્જન થાતાં ઊંડે અધવચ જળમાંજી.

હૈયું શું છે? પીડા શું છે? જઈ પૂછો દરીયાનેજી,
જિંદગીની ખારાશ છૂપી છે જઈ એને પેટાળેજી.

સગરાશા મોજાની માફક શ્વાસ ભલે અહીં ચાલુજી,
દિલની ભીતર દરિયો છૂપ્યો બેઉ અમે તો સરખાજી.

નદી તણાં જળથી ના મીટે પ્યાસ કદી શાયરજી,
સાગર તારા જેવી આદત ધરવા ખારાં પાણીજી.

પત્થર નાખી ઘાયલ કરશો કાંઠે જઈ સાગરનેજી,
તો પણ ગાશે ગઝલ ફરીથી મોજાનાં ઘુઘવાટેજી.

taintedsong.com taintedsong.com taintedsong.com

જીવનનો મધ્યાહન – કમલેશ સોનાવાલા

November 11th, 2008 4 comments

સ્વર:ભુપિન્દર સીંગ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

જીવનનો મધ્યાહન છતાં સાંજ શોધું હું શાને?
સાગર મધ્યે પ્હોંચ્યા છતાં સાહિલ શોધું હું શાને?

ખળખળ વહેતું નિર્મળ ઝરણું સાગર શોધે એ શાને?
મનનું હરણું દોટ મૂકે વિસામે શોધે એ શાને?

રાજમારગની બની કેડીઓ, કેડીએ કંટકો શાને?
નિર્જન મારગ એક લાચારી, શોધું હું સંતો શાને?

રાધા ગોરી કાન છે કાળો, રંગ નીરાળા શાને?
અંત વિનાનાં અંધારા જગમાં આતમ દિવડા શાને?

ચાંદલીયા તારલીયા સંગે રમતો હું નશ્વર શાને?
બ્રહ્મ મુહુર્તમાં આંખો ખોલી શોધું હું ઇશ્વર શાને?

taintedsong.com taintedsong.com taintedsong.com

પાસપાસે તો યે – માધવ રામાનુજ

July 21st, 2008 7 comments

સ્વર: ભુપિન્દર – મિતાલી સીંગ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

પાસેપાસે તો યે કેટલાં જોજન દૂરનો આપણો વાસ;
જેમકે ગગન સાવ અડોઅડ તો ય છેટાં નો ભાસ.

રાત દિ’નો સથવાર ને સામે,
મળવાનું તો કોઈ દા’ડો સુખ મળતું નથી;
આવકારાનું વન અડાબીડ,
બારણું ખોલી ફળિયામાં સળવળતું નથી;
આંસુંને દઈ દીધો છે ભવનો કારાવાસ.

ઝાડથી ખરે પાંદડું,
એમાં કેટલાં આથમ્યાનું સંભારણું હશે;
આપણી વચ્ચે આવજોની કોઈ ભીંત હશે,
કે યાદ જેવું કોઈ બારણું હશે;
પડખે સૂતાં હોય ને લાગે શમણાનો સહવાસ.

taintedsong.com taintedsong.com taintedsong.com

હું અને તું – તુષાર શુક્લ

May 12th, 2008 5 comments

સ્વર: ભુપિન્દર – મિતાલી સિંગ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

હું અને તું નામના કાંઠાને તોડી જળ વહ્યાં સંગાથમાં, તે આપણે;
શ્વાસશ્વાસે એકબીજામાં થઈ સૌરભ રહ્યાં સંગાથમાં, તે આપણે.

આપણાં હર શ્વાસમાં છે વ્હાલ ને વિશ્વાસ વ્હાલમ;
ને જીવનનું નામ દીધું હેતનો મધુમાસ વ્હાલમ.
આંખને ઉંબર અતિથી અશ્રુને સપનાં સખીરી;
રસસભર જીવતરને ખાતર બેઉ છે ખપના સખીરી.
આંખથી ક્યારેક ઝરમર ને કદી ઝલમલ સહ્યાં સંગાથમાં, તે આપણે.

રંગને પીંછી તણો સંવાદ, આપણ બેઉ સજની;
સૂર ગૂંથ્યા શબ્દનો અનુવાદ, આપણ બેઉ સજની.
છે મને ના યાદ કોઈ પ્રેમમાં ફરિયાદ, સજના;
જિંદગી લાગે મને પ્રીતિ તણો પ્રસાદ, સજના.
જિંદગીનાં સર્વ રંગો ને ઉમંગોને ચહ્યાં સંગાથમાં, તે આપણે.

taintedsong.com taintedsong.com taintedsong.com

એકલાં જ આવ્યા મનવા – બરકત વિરાણી ‘બેફામ’

August 22nd, 2007 29 comments

સ્વર: ભુપિન્દર સિંગ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

એકલાં જ આવ્યા મનવા, એકલાં જવાના
સાથી વિના, સંગી વિના, એકલાં જવાના

કાળજાની કેડીએ કાયા ના સાથ દે
કાળી કાળી રાતડીએ છાયા ના સાથ દે
કાયા ના સાથ દે ભલે, છાયા ના સાથ દે ભલે
પોતાના જ પંથે પોતના વિનાના
સાથી વિના, સંગી વિના, એકલાં જવાના

આપણે અંહી એકલા ને કિરતાર એકલો
એકલા જીવોને એનો આધાર એકલો
વેદના સહીએ ભલે, એકલા રહીએ ભલે
એકલા રહીને બેલી થવું રે બધાનાં
સાથી વિના, સંગી વિના, એકલાં જવાના

એકલાં જ આવ્યા મનવા, એકલાં જવાના
સાથી વિના, સંગી વિના, એકલાં જવાના

taintedsong.com taintedsong.com taintedsong.com