Warning: Constant ABSPATH already defined in /customers/c/0/5/rankaar.com/httpd.www/wp-config.php on line 47 Warning: Undefined array key "page" in /customers/c/0/5/rankaar.com/httpd.www/wp-content/plugins/azindex/az-index-admin.php on line 68 Warning: Trying to access array offset on value of type bool in /customers/c/0/5/rankaar.com/httpd.www/wp-content/plugins/search-everything/config.php on line 29 રણકાર.કોમ – Rankaar.com » કમલેશ સોનાવાલા - Gujarati Music, Gujarati Gazals, Gujarati Songs, Garba, Halarada, Lagna Geet, Gujarati Geet, Garba-Ras, Prarthana

Archive

Click play to listen all songs in ‘કમલેશ સોનાવાલા’ Category
This text will be replaced by the flash music player.

એક કાગળ, એક કલમ – કમલેશ સોનાવાલા

February 27th, 2014 2 comments
આલ્બમ:સંગઠન
સ્વરકાર:પં. શિવકુમાર શર્મા
સ્વર:રૂપકુમાર રાઠોડ



એક કાગળ, એક કલમ, કંપન ભરેલું કાળજું,
વચ્ચે એક કવિતાનું અમથું, અમથું, શરમાવવું…

વાસંતી વાયરામાં, પુષ્પોનું લહેરાવવું,
ટહુકે કોયલના, સરગમનું સર્જાવવું,
વચ્ચે એક શાયરનું, અમથું, અમથું, ભમરાવવું…

રાતે, હોઠોનું, ધીમું ધીમું મુસ્કુરાવવું,
પરોઢે ગઝલનું ગેસુમાં ગુંથાવવું,
વચ્ચે એક શમણાને, અમથું, અમથું, પંપાળવું…

પ્રણયની પહેલ છે, નયનોનું ટકરાવવું,
મહોબ્બતની મંઝિલ છે, આતમને મિલાવવું ,
વચ્ચે એક હૈયાનું, અમથું, અમથું, નંદવાવવું…

ગીતાની શરૂઆત અર્જુનનો વિષાદયોગ,
ગીતાનો ઉપદેશ અર્જુનનો સન્યાસયોગ,
વચ્ચે આ ‘કમલ ‘નું, અમથું, અમથું, અટવાવવું…

taintedsong.com taintedsong.com taintedsong.com

મારા નયનમાં – કમલેશ સોનાવાલા

December 18th, 2013 10 comments
આલ્બમ:સંગઠન
સ્વરકાર:કૌમુદી મુનશી
સ્વર:અશ્વિની ભીડે દેશપાંડે



મારા નયનમાં, પોઢ્યા છે શ્યામ,
વાટ તારી જોતી, શ્યામ તને શોધતી,
ક્યારે સંતાયા ઘનશ્યામ.

ધીમા ધીમા પગલાં લઈ, જમુનાના તીરે,
શોધું છું તમને મારા શ્યામ,
સરક્યા જમુનાજીમાં, અશ્રુ મારા નૈનથી,
તો જમુનાનાં નીર થયા શ્યામ.

ખાલી ગાગર ભરી, જમુનાના જળ સખી,
ઊંચકી તો, કમર મારી લચકી,
ભોળી હું એટલી, કેમેય ન સમજી,
કે જળમાં છુપાયા’તા શ્યામ.

જીવનની સાંજ પડી, નીંદર ઘેરાણી સખી,
ભવ ભવની પ્રીત લઈ પોઢી, હું શ્યામ સંગ,
કે હવે ખોલશો ન પોપચા લગાર.

taintedsong.com taintedsong.com taintedsong.com

કાળ જુઓને – કમલેશ સોનાવાલા

September 1st, 2010 1 comment
આલ્બમ:સંજીવન
સ્વરકાર:ઉદય મઝુમદાર
સ્વર:ધનાશ્રી પંડિત



કાળ જુઓને અજગર જેવો ધીમે સરકતો જાય છે,
શ્વાસ બીજાં શ્વાસને ભૂતકાળ બનાવે જાય છે.

નાનું સરખું સુખ મળે તો પણ રાજી થાઉં હવે,
મોટા દુ:ખો મન આ મારૂં પળમાં વિસરી જાય છે.

સાગર, ધરતી, આભ રૂપાળી સૃષ્ટિ પરના આવરણ,
સઘળાં બંધન તોડી હૈયું અવકાશે ખેંચાય છે.

પંડિતોની ભાષા કહે કે ‘દેહ છૂટે તો દેવ મળે’,
કાયામાં છે ઈશ્વર તોયે પથ્થર પૂજે જાય છે.

taintedsong.com taintedsong.com taintedsong.com

અને તમે યાદ આવ્યા – કમલેશ સોનાવાલા

July 19th, 2010 5 comments
આલ્બમ:સંમોહન



સાંભળું તો તને ખાલી પડઘા સંભળાય
તને શોધું સિતારના વનમાં
ટમકીને કો’ક વાર ઈશારા
વાત છાની રાખીશ મારા મનમાં.

આ ગુલમહોર મહેક્યાં વરસી વાદલડી
ધુંધળી સંધ્યા રંગ લાલમડી
અને તમે યાદ આવ્યા..

પેલાં આંખ્યુંનાં અંજન, શાંત રાતલડી
એક અનેરી પ્રેમ વાતલડી
અને તમે યાદ આવ્યા..

ભૂલવા ચહું હું સુની રે તલાવડી
સરકે સરિતા અશ્રુ આંખલડી
અને તમે યાદ આવ્યા..

આ ઝંઝાવત પલ એકલડી
દિલના દરિયામાં નહીં આ નાનકડી
અને તમે યાદ આવ્યા..

taintedsong.com taintedsong.com taintedsong.com

ગાગરમાં પાણી છલકવાનું છે – કમલેશ સોનાવાલા

June 3rd, 2010 3 comments
આલ્બમ:સંવેદન
સ્વર:પાર્થિવ ગોહિલ, સાધના સરગમ



ગાગરમાં પાણી છલકવાનું છે
જોબનિયું આજે ઝલકવાનું
જ્યાં જ્યાં તમારાં પગલાં પડ્યાં
ઝાંઝરને ત્યાં ત્યાં ઝામકવાનું છે
ગાગરમાં પાણી..

કેસર ગુલાબી ચૂનરીની સંગ,
સજનીને સાંજે મળવાનું છે
મઢૂલી બનાવી કાન્હાની સંગ
મુરલીના નાદે મટકવાનું છે
ગાગરમાં પાણી..

નજર્યુંથી નજરને મળવાનું છે
ઝરમર ઝરમર વરસવાનું છે
ફૂલોની સંગે મહેકવાનું છે
લજામણી થઈ શરમવાનું છે
ગાગરમાં પાણી..

ઊભરતી ઉંમરને તલસવાનું છે
આશિક આ દિલને બહેકવાનું છે
મુખડું તમારું પૂનમવાનું છે
મધરાતે શમણામાં મળવાનું છે
ગાગરમાં પાણી..

taintedsong.com taintedsong.com taintedsong.com
..