જાગીને જોઉંતો – નરસિંહ મહેતા
સ્વર:ચિત્રા શરદ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
સંગીત: દીપેશ દેસાઈ
જાગીને જોઉંતો, જગત દીસે નહીં,
ઊંઘમાં અટપટા ભોગ ભાસે;
ચિત્ત ચૈતન્ય વિલાસ તદ્દરૂપ છે,
બ્રહ્મ લટકા કરે બ્રહ્મ પાસે.
પંચમહાભૂત પરિબ્રહ્મ વિષે ઉપજ્યા
અણુ અણુમાંહીં રહ્યાં રે વળગી
ફૂલ અને ફળ તે તો વૃક્ષના જાણવા
થડ થકી ડાળ તે નહીં રે અળગી
વેદ તો એમ વદે, શ્રુતિ સ્મૃતિ સાખ દે
કનક કુંડળ વિષે ભેદ ન્હોયે
ઘાટ ઘડિયા પછી, નામ રૂપ જૂજવાં,
અંતે તો હેમનું હેમ હોયે..
જીવ ને શિવ તો આપ ઈચ્છાએ થયા
રચી પરપંચ ચૌદ લોક કીધા
ભણે નરસૈયો ‘તે જ તું’, ‘તે જ તું’,
એને સ્મર્યાથી કંઈ સંત સીધ્યા..
ચિત્રાબેન,
ગુજરાતી વૈજ્ઞાનિક ભક્તકવિ નરસિંહની રચના તમે સરસ રીતે રજુ કરી છે.
નિરલ.
ભક્ત કવિ નરસિંહ મહેતાના સુંદર પદો રણકાર ઉપર ઉપલબ્ધ કરવા બદલ આપનો ખુબ ખુબ આભાર.
આવાજ સુંદર પદો કવિ શ્રી દલપતરામના અને અભરામ ભગતના ભજનો રણકાર ઉપર ઉપલબ્ધ કરી
આપવા મારી આપને નમ્ર અરજ છે.