હું મળું – રાહી ઓઢારીયા
સ્વર: મેઘના ખારોડ
આલ્બમ: દર્પણ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
“જરાક જોઈ લે તારા હૃદયના દર્પણમાં,
બધું જ આવી જશે આપોઆપ સમજણમાં;
પ્રયત્ન કર જરા તું પ્રેમને સમજવાનો,
તને દેખાઇશ હું તારા અનોખા સગપણમાં.”
દર્પણ મહી નિહાળોતો દર્પણમાં હું મળું,
તમને તમારા સઘળા એ વળગણમાં હું મળું.
શ્વાસોના તારે જેનું ભર્યું છે ભરત તમે,
એ ચાકડા ટોડલિયા ને તોરણમાં હું મળું.
જ્યાં જ્યાં નજર તમારી પડે હું જ, હું જ, હું,
ઘરમાં દીવાલે બારીએ આંગણમાં હું મળું.
સુખના સમયની ચલના સમો ‘રાહી’ હું નથી.
દુ:ખના સમયની આખરી ક્ષણ ક્ષણમાં હું મળું.
નવી જ રચના સાભંળવા મળી અભાર….
@Maheshchandra Naik
આભાર
અવાજ બહુ મધુર છે.
ભાવનગરના જ કવિ-મિત્ર રાહી ઓધારીયાની સરસ ગઝલ અને મેઘનાબેનનો પણ સુરીલો અવાજ – સોનામાં સુગંધ સમું! માણવાની મજા આવી. આભાર.
સુધીર પટેલ.
સુંદર રચના ને મધુર સ્વર મળે એટલે મજાજ આવે ,રચના રાહીભાઈની અને મેઘનાબેન નો અવાજ સરસ સંગીત સાથે સાંભળવાની મજા આવી,ભાવાનગરીઓનો આભાર .
રામદેવસિંહ ઝાલા