થોડો વગડાનો શ્વાસ – જયંત પાઠક
સ્વર: નયનેશ જાની
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
થોડો વગડાનો શ્વાસ મારા શ્વાસમાં,
પહાડોનાં હાડ મારા પિંડમાં ને
નાડીમાં નાનેરી નદીઓના નીર,
છાતીમાં બુલબુલનો માળો ને
આંગળીમાં આદિવાસીનું તીણું તીર;
રોમ મારાં ફરકે છે ઘાસમાં,
થોડો વગડાનો શ્વાસ મારા શ્વાસમાં.
સૂરજનો રંગ મારાં પાંદડા પિયે ને
પિયે માટીની ગંધ મારા મૂળ,
અડધું તે અંગ મારું પીળા પતંગિયાં ને
અડધું તે તમરાંનુ કુળ;
થોડો ધરતીમાં, થોડો આકાશમાં,
થોડો વગડાનો શ્વાસ મારા શ્વાસમાં.
Please follow and like us:
અદભુત ગીત અને એવું જ અદભુત સ્વરાંકન… વાહ!
આ ગીત મેહુલ સુરતીના સ્વરાંકનમાં દ્રવિતા ચોક્સીના અવાજમાં સાંભળવું પણ એક લ્હાવો છે…
સાચી વાત છે… એકદમ મસ્ત-મજાનું ગીત અને નયનેશભાઈનું સ્વરાંકન પણ સ-રસ થયું છે. અત્યાર સુધી મેં પણ માત્ર મેહુલનાં સ્વરાંકન અને દ્રવિતાનાં સ્વરમાં જ આ સાંભળ્યું ને ખૂબ માણ્યું હતું; જે અહીં ટહુકા પર સાંભળી શકાશે. http://tahuko.com/?p=645 એકદમ અલગ સંગીત અને ગાયિકી…!
સરસ ગીત અને સારુ ગવાયુ અને ખુબ મજા આવિ.
સરસ ગીત અને શ્રી જયન્તભાઈ, મેહુલ સુરતી, દ્રવિતા ચોક્સી સાથે અમે પણ સુરતના, બધાને લાઈવ માણ્યા છે એટલે આજે કેનેડામા આ ગીત સામ્ભળવાનો વિશેષ આનદ થઈ ગયો આપનો આભાર……..
જયંત પાઠકના કાવ્યોની વિશેષતા છે ગ્રામ્ય અને લોકધબકારનો જીવંત અનુભવ.
આ સ્વરાંકન અને ગાયન કાવ્યના ભાવને સરસ રીતે નીખારે છે.
સાંભળી નથી શકાતું 🙁 file not found…
ગીત ફરી મૂક્યું છે. હવે સાંભળી શકાશે.
આભાર નીરજભાઈ……