એક છોકરાએ સિટીનો – રમેશ પારેખ
સ્વર: પાર્થિવ ગોહિલ
એક છોકરાએ સિટીનો હિંચકો બનાવી
એક છોકરીને કીધું લે ઝૂલ.
છોકરાએ સપનાનું ખીસું ફંફોસી
ને સોનેરી ચોકલેટ કાઢી રે,
છોકરીની આંખમાંથી સસલીનાં ટોળાએ
ફેંકી કઈ ચિઠ્ઠીઓ અષાઠી રે.
સીધી લીટીનો સાવ છોકરો
ને પલાળ્યો તો બની ગયો બે ત્રણ વર્તુળ.
એક છોકરાએ…
છોકરીને શું એ તો ઝૂલી એ પછી
એને ઘેર જતા થયું સહેજ મોડું રે,
જે કંઈ થયું એ તો છોકરાને થયું
એના સાન-ભાન ચરી ગયું ઘોડું રે.
બાપની પેઢીએ બેસીને ચોપડામાં
રોજ રોજ ચીતરતો ફૂલ.
એક છોકરાએ..
Related posts:
મસ્ત મસ્ત ગીત. દિવસે પણ મનમાં ને મનમાં સપના જોવાના.
મનોમન માણવાનુ ગીત …..
વાહ વાહ.. બહુ દિવસ પછી આવી તારી સાઈટ પર.. અને ર્.પા મળ્યા..!! અને એમાય મારી ગમતી રચના.. આભાર દોસ્ત…