Home > ગઝલ, જગજીત સિંહ, મરીઝ > મેં તજી તારી તમન્ના – મરીઝ

મેં તજી તારી તમન્ના – મરીઝ

December 3rd, 2007 Leave a comment Go to comments

સ્વર: જગજીત સિંહ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

મેં તજી તારી તમન્ના તેનો આ અંજામ છે,
કે હવે સાચે જ લાગે છે કે તારું કામ છે.

છે સ્ખલન બે ત્રણ પ્રસંગોમાં મને પણ છે કબૂલ,
કોણ જાણે કેમ આખી જિંદગી બદનામ છે.

એક વીતેલો પ્રસંગ પાછો ઉજવવો છે ખુદા!
એક પળ માટે વીતેલી જિંદગીનું કામ છે.

મારી આ મજબૂર મસ્તીનો નશો ઉતરી ગયો
આપ પણ એવું કરો છો કે મને આરામ છે.

આપની સામે ભલે સોદો મફતમાં થઈ ગયો,
આમ જો પૂછો બહુ મોઘાં અમારાં દામ છે.

જિંદગીના રસને પીવામાં જલ્દી કરો ‘મરીઝ’,
એક તો ઓછી મદિરા છે, ને ગળતું જામ છે.

  1. December 4th, 2007 at 05:34 | #1

    એક વીતેલો પ્રસંગ પાછો ઉજવવો છે ખુદા
    એક પળ માટે વીતેલી જિંદગીનું કામ છે

    જિંદગીના રસને પીવમા જલ્દી કરો ‘મરીઝ’
    એક તો ઓછી મદિરા છે ને ગળતું જામ છે.

    વાહ મરીઝ, fantastic.

    શબ્દો મરીઝ ના અને સ્વર જગજીતજીનો, વાહ મજા આવી ગઈ.

    આભાર નીરજ

  2. December 16th, 2007 at 10:43 | #2

    સ્વ

  3. Rajesh (raju) Patel
    August 21st, 2009 at 03:35 | #3

    atul purohit na garba sabhalva che 1) tara vina shyam ane 2)jamuna ne kanthe

  4. Manish Panchal
    November 6th, 2017 at 10:13 | #4

    એક વાર આ ગઝલ બેગમ અખ્તરજી ના સ્વરમાં અચૂક સાંભળજો…

  1. No trackbacks yet.