Archive

Click play to listen all songs in ‘મરીઝ’ Category
This text will be replaced by the flash music player.

ડંખે છે દિલને – મરીઝ

May 5th, 2010 6 comments
આલ્બમ:સમન્વય ૨૦૦૯
સ્વરકાર:નયનેશ જાની
સ્વર:નયનેશ જાની

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


“મતલબ વિનાની લાગણી મળતી નથી અહીં,
દિલમાંય માનવીના અહીં તો દિમાગ છે.
મહેંકી રહી છે એમની કલંક થઈને મહોબ્બત,
જીવનના વસ્ત્ર પર કોઈ અત્તરનો ડાઘ છે.”

ડંખે છે દિલને કેવી એક અક્ષર કહ્યા વિના,
રહી જાય છે જે વાત સમય પર કહ્યા વિના.

ઊર્મિ પૃથક પૃથક છે, કલા છે જુદી જુદી,
સઘળું કહી રહ્યો છું વિધિસર કહ્યા વિના.

કેવા જગતથી દાદ મેં માંગી પ્રકાશની,
હીરાને જે રહે નહીં પથ્થર કહ્યા વિના.

taintedsong.com taintedsong.com taintedsong.com

દીવાનગી જ સત્યનો – મરીઝ

May 6th, 2009 5 comments

સ્વર: ઉદય મઝુમદાર

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

દીવાનગી જ સત્યનો સાચો પ્રચાર છે,
જાણી ગયા બધાં કે મને તુજથી પ્યાર છે.

શોધો પ્રસંગને એ તમારા ઉપર રહ્યું,
આખું જીવન અમારું હવે આવકાર છે.

મળવા જો એને ચાહું તો હમણાં મળી શકું,
એ વાત છે જુદી કે મને ઇંતઝાર છે.

એકાદ હો તો એને છૂપાવી શકું ‘મરીઝ’,
આ પ્રેમ છે ને એનાં પુરાવા હજાર છે.

taintedsong.com taintedsong.com taintedsong.com

મદિરા – મરીઝ

April 22nd, 2009 5 comments

સ્વર/સ્વરાંકન: શ્યામલ – સૌમિલ મુન્શી

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

નથી કોઈ તારામાં વિધિ મદિરા,
ગમે ત્યાં ગમે ત્યારે પીધી મદિરા.

ગળેથી જ્યાં ઉતરી કે તોફાની થઈ ગઈ,
હતી જામમાં સાવ સીધી મદિરા.

સતત કરવા પડતા સુરાલયનાં ફેરા,
નિરાંતે કદી મેં ના પીધી મદિરા.

‘મરીઝ’ એની ન્યામતનું શું પૂછવાનું,
ફળોમાં, અનાજોમાં પીધી મદિરા.

taintedsong.com taintedsong.com taintedsong.com

નથી મળતા – મરીઝ

March 26th, 2009 10 comments

સ્વર: મનહર ઉધાસ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

તને જોયા કરૂં છું પણ મિલન મોકા નથી મળતા,
સિતમ છે, સામે મંઝીલ છે અને રસ્તા નથી મળતા.

નવીનતાને ન ઠુકરાવો, નવીનતા પ્રાણપોષક છે,
જુઓ કુદરત તરફથી શ્વાસ પણ જુનાં નથી મળતા.

ભલા એવા જીવનમાં શું ફળે જીવનની ઇચ્છાઓ,
કે જ્યાં મરજી મુજબનાં નીંદમાં સપના નથી મળતા.

કરી શકતો નથી હું મારા મિત્રોની કદરદાની,
ફકત એ કારણે કે દુશ્મનો સાચા નથી મળતા.

‘મરીઝ’ અલ્લાહનાં એકત્વમાં શંકા પડે ક્યાંથી?
જગતમાં જ્યારે બે ઇન્સાન પણ સરખા નથી મળતા.

taintedsong.com taintedsong.com taintedsong.com

હશે મારી દશા કેવી – મરીઝ

January 27th, 2009 3 comments

સ્વર: મનહર ઉધાસ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

“સુરા રાતે તો વહેલી સવારે પી ગયો છું હું,
સમય સંજોગના ગેબી ઈશારે પપી ગયો છું હું.
કોઈ વેળા જરા ઓછી મળે એની શીકાયત શું?
કોઈ વેળા ગજાથી પણ વધારે પી ગયો છું હું.”

હશે મારી દશા કેવી તને સમજાય છે સાકી?
હવે પીધાં પછી પણ મારું દિલ ગભરાય છે સાકી.

સુરા પીતાં જે મારાથી કંઈક ઢોળાય છે સાકી,
મને એમાં હજારોની તરસ દેખાયે છે સાકી.

અસર આવી નથી જોઈ મેં વરસોની ઇબાદતમાં,
ફકત બે જામમાં તરત જ જીવન બદલાય છે સાકી.

સુરાની વાત કેવી? ઝેર પણ પી લે અગર કોઈ,
તો દુનિયામાં એ ચર્ચાનો વિષય થઈ જાય છે સાકી.

‘મરીઝ’ આવા નશામાં પણ ઉઘાડી આંખ રાખે છે,
ખબર કોને કે એની આંખ ક્યાં મીંચાય છે સાકી.

taintedsong.com taintedsong.com taintedsong.com