નભ ખોલીને જોયું – ચંદ્રકાન્ત શેઠ
પ્રસ્તાવના / સ્વર: અમર ભટ્ટ
નભ ખોલીને જોયું, પંખી નથી નથી;
જળ ખોલીને જોયું, મોતી નથી નથી.
સતત છેડીએ તાર,
છતાં કંઈ રણકે નહીં;
આ એવો ચમકાર?
કશુંયે ચમકે નહીં;
ખોલી જોયા સૂર, હલક એ નથી નથી;
ખોલી જોયા નૂર, નજર એ નથી નથી.
લાંબી લાંબી વાટ,
પ્હોંચતી ક્યાંય નહીં;
આ પગલા ક્યાં જાય?
મને સંજય નહીં;
આ તે કેવા દેશ? દિશા જ્યાં નથી નથી!
આ મારો પરિવેશ! હું જ ત્યાં નથી નથી.
Related posts:
ખુબ સુંદર ગીત, આત્માની ઊંડાઈ અને વેદો નો સાર.
ખુબ સુંદર ગીત, આત્માની ઊંડાઈ અને વેદો નો સાર. છેલ્લી બે પંક્તિમાં આત્માના દર્શન છે