ત્યાં ભરીશું આપણે મુશાયરો..
સ્વર: સોનિક સુથાર
આંખ તારી થઈ જશે જયારે નમેલી ત્યાં ભરીશું આપણે મુશાયરો
ઉકલે એ વાત તેં જે નહીં કહેલી ત્યાં ભરીશું આપણે મુશાયરો.
તેજ કિસ્સો તેજ રેતી તેજ કાદવ ધૂળમાં મેલો થયેલો એ સમય,
બાંધશું દરિયે ફરી પાછી હવેલી ત્યાં ભરીશું આપણે મુશાયરો.
એ ગઝલ જે ફૂલ પર બેસી રહે ને બાતમી ખુશ્બુ સભર આપ્યા કરે,
એ ગઝલ ઝાકળ બની ઉડી ગયેલી ત્યાં ભરીશું આપણે મુશાયરો.
સાંજ ટાણું સ્વપ્ન કોરાં, આંખમાં આંજી ગઝલ ને આંખમાં લઈને ઉદાસી
જે ગઝલ વર્ષો પાછી સામે મળેલી ત્યાં ભરીશું આપણે મુશાયરો.
Related posts:
સરસ ગઝલ. શક્ય હોય તો કોણે લખી છે એની માહિતી આપશો
કવિ – અંકિત ત્રિવેદી
સંગીત – અમર ભટ્ટ
વેરી ગૂડ ગઝલ . સોનિક ભાઈ એ ખુબ સુંદર રીતે ગાઈ. વર્ષો પછી આટલી સુંદર ગઝલ સાંભરવા મળી તે બદલ ખુબ ખુબ આભાર. મારે સોનિક ભાઈ ને મળવું છે જો તમે મને એમનો સંપર્ક નંબર મેળવી આપો તો તમારો ખુબ ખુબ આભાર માનિસ.
very beautiful gazal