શાને ગુમાન કરતો – રમેશ ગુપ્તા
સંગીત: કેરસી મિસ્ત્રી
સ્વર: તલત મહેમુદ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
અરે ઓ બેવફા સાંભળ તને દિલથી દુઆ મારી.
બરબાદ ભલેને થાતો હું આબાદ રહે દુનિયા તારી.
શાને ગુમાન કરતો, નાની છે જિંદગાની,
આ રૂપ ને જવાની, એક દિન ફના થવાની.
રડતાઓ ને હસાવે, હસતાઓ ને રડાવે,
કુદરતની એક ઠોકર ગર્વિષ્ટને નમાવે,
દુનિયામાં સિકંદરની પણ ના રહી નિશાની.
શાને ગુમાન કરતો..
પછડાય જલદી નીચે, દેખાય છે ઉછાળો,
કુદરતે ચંદ્રમાં પણ મૂક્યો છે ડાઘ કાળો,
સમજુ છતાં ન સમજે, છે વાટ મૂર્ખતાની.
શાને ગુમાન કરતો..
આ જિંદગીનો દીવો પળમાં બુઝાઈ જાશે,
ચંદન સમી આ કાયા, ધરણીની ધૂળ ખાશે,
માટે વિનય કરું છું બનતો ન તું ગુમાની.
શાને ગુમાન કરતો..
First for me … listening to Talat Mehmood doing a Gujarati rendition .. very nice. Thanks.
Thx.I use to listen this song so many times when I was sixteen years old on “Akashvani, Amdavad-Vadodra” in sursangam programme. It is one of that kind of song, whenever i hear it.gives me so much of sweet-pain of old memory.
I heard today first thing in the morning, and belive me,it made my day.
Thanks again
સુંદર ગીતની
મધુરી ગાયકી
ધ
what a beautiful song, verses with lots of meaning. we need to be reminded every so often to correct ourselves.
Every word has to be digested and acted upon. Life is too short my friends.
લગભગ તલતે ૪ ગુજરાતી ગીતો ગાયા કોઇ ની ફરમાઈશ હોય તો મળશે.
એક ફરમાઈશ ફીલ્મ “વનરાજ ચાવડો ” (કદાચ) ” કેસરીઓ રે ગોરી તારો ચોગાળો રે કેસરીયો ” આ ગીત સાભળવુ કચે.
તુ પ્યાર કા સાગર હૈ તેરી એક બુંદ કે પ્યાસે હમ…..
યાબ આવી ગયું
સાવજ ગરજે
વનરાવનનો રાજા ગરજે
ગીરકાંઠાનો કેસરી ગરજે
ઐરાવતકુળનો અરિ ગરજે
કડ્યપાતળિયો જોદ્ધો ગરજે
મોં ફાડી માતેલો ગરજે
જાણે કો જોગંદર ગરજે
નાનો એવો સમદર ગરજે !
ક્યાં ક્યાં ગરજે ?
બાવળના જાળામાં ગરજે
ડુંગરના ગાળામાં ગરજે
કણબીના ખેતરમાં ગરજે
ગામ તણા પાદરમાં ગરજે
નદીઓની ભેખડમાં ગરજે
ગિરિઓની ગોહરમાં ગરજે
ઉગમણો, આથમણો ગરજે
ઓરો ને આઘેરો ગરજે
થર થર કાંપે !
વાડામાં વાછડલાં કાંપે
કૂબામાં બાળકડાં કાંપે
મધરાતે પંખીડા કાંપે
ઝાડ તણાં પાંદડલાં કાંપે
પહાડોના પથ્થર પણ કાંપે
સરિતાઓનાં જળ પણ કાંપે
સૂતાં ને જાગંતાં કાંપે
જડ ને ચેતન સૌએ કાંપે
આંખ ઝબૂકે !
કેવી એની આંખ ઝબૂકે !
વાદળમાંથી વીજ ઝબૂકે
જોટે ઊગી બીજ ઝબૂકે
જાણે બે અંગાર ઝબૂકે
હીરાના શણગાર ઝબૂકે
જોગંદરની ઝાળ ઝબૂકે
વીર તણી ઝંઝાળ ઝબૂકે
ટમટમતી બે જ્યોત ઝબૂકે
સામે ઊભું મોત ઝબૂકે
જડબાં ફાડે !
ડુંગર જાણે ડાચાં ફાડે !
જોગી જાણે ગુફા ઉઘાડે !
જમરાજાનું દ્ધાર ઉઘાડે !
પ્રુથ્વીનું પાતાળ ઉઘાડે !
બરછી સરખા દાંત બતાવે
લસ ! લસ ! કરતા જીભ ઝુલાવે.
બ્હાદર ઊઠે !
બડકંદાર બિરાદર ઊઠે
ફરસી લેતો ચારણ ઊઠે
ખડગ ખેંચતો આહીર ઊઠે
બરછી ભલે કાઠી ઊઠે
ઘર-ઘરમાંથી માતી ઊઠે
ગોબો હાથ રબારી ઊઠે
સોટો લઈ ઘરનારી ઊઠે
ગાય તણા રખવાળો ઊઠે
દૂધમલા ગોવાળો ઊઠે
મૂછે વળ દેનારા ઊઠે
ખોંખારો ખાનારા ઊઠે
માનું દૂધ પીનારા ઊઠે !
જાણે આભ મિનારા ઊઠે !
ઊભો રે’જે !
ત્રાડ પડી કે ઊભો રે’જે !
ગીરના કુત્તા ઊભો રે’જે !
કાયર દુત્તા ઊભો રે’જે !
પેટભરા ! તું ઊભો રે’જે !
ભૂખમરા ! તું ઊભો રે’જે !
ચોર-લૂંટારા ઊભો રે’જે !
ગા-ગોઝારા ઊભો રે’જે !
ચારણ-કન્યા
ચૌદ વરસની ચારણ-કન્યા
ચૂંદડિયાળી ચારણ-કન્યા
શ્વેતસુંવાળી ચારણ-કન્યા
બાળી ભોળી ચારણ-કન્યા
લાલ હિંગોળી ચારણ-કન્યા
ઝાડ ચડંતી ચારણ-કન્યા
પહાડ ઘૂમંતી ચારણ-કન્યા
જોબનવંતી ચારણ-કન્યા
આગ-ઝરંતી ચારણ-કન્યા
નેસ-નિવાસી ચારણ-કન્યા
જગદમ્બા-શી ચારણ-કન્યા
ડાંગ ઉઠાવે ચારણ-કન્યા
ત્રાડ ગજાવે ચારણ-કન્યા
હાથ હિલોળી ચારણ-કન્યા
પાછળ દોડી ચારણ-કન્યા
ભયથી ભાગ્યો !
સિંહણ, તારો ભડવીર ભાગ્યો
રણ મેલીને કાયર ભાગ્યો
ડુંગરનો રમનારો ભાગ્યો
હાથીનો હણનારો ભાગ્યો
જોગીનાથ જટાળો ભાગ્યો
મોટો વીર મૂછાળો ભાગ્યો
નર થઈ તું નારીથી ભાગ્યો
નાનકડી છોડીથી ભાગ્યો !
-ઝવેરચંદ મેઘાણી (Zaverchand Meghani)
ચારણ-કન્યા
LISTEN TO THIS SONGS