ભીતરનો ભેરૂ – અવિનાશ વ્યાસ

આલ્બમ: અમર સદા અવિનાશ

ભીતરનો ભેરૂ મારો આતમો ખોવાયો રે,
મારગનો ચીંધનારો ભોમિયો ખોવાયો,
હે વાટે વિસામો લેતાં જોયો હોય તો કે’જો.

એનાં રે વિના મારી કાયા છે પાંગળી,
આવે આંખ છતાંયે મારી આંખ્યું છે આંધળી,
મારા રે સરવરીયાનો હસંલો રીસાયો રે.
હે સરવરમાં તરતો કોઈએ જોયો હોય તો કે’જો.

તનડું રૂઠાણું મારું મનડું રુંધાણું,
તાર તૂટ્યો ને અધવચ ભજન નંદવાણું,
કપરી આંધીમાં મારો દીવડો ઝડપાયો રે.
હે આછો સળગતો કોઈએ જોયો હોય તો કે’જો.