માણસ અંતે ચાહવા જેવો – સુરેશ દલાલ

આલ્બમ: સમન્વય ૨૦૦૫

સ્વર: સૌમિલ મુન્શી

ના, ના, નહીં ધિક્કારવા જેવો,
માણસ અંતે ચાહવા જેવો.

ખુણા ખાંચા હોય છતાંયે,
માણસ એતો મન મૂકીને
ગીત ગઝલમાં ગાવા જેવો.
માણસ અંતે ચાહવા જેવો.

હિમશીખાની શાતા જેવો,
વડવાનલ કે લાવા જેવો,
અવસર માતમ લાવા જેવો,
અંત વિનાના પ્રશ્નો પૂછે.
માણસ કેવો? માણસ તો માણસના જેવો.
જેવો તેવો હોય છતાંયે
સાચા દિલની વાહ-વાહ જેવો
માણસ અંતે ચાહવા જેવો.