દિલ ઉદાસ છે – મનોજ મુની

May 16th, 2012 3 comments
આલ્બમ:મારા હૃદયની વાત
સ્વરકાર:સોલી કાપડિયા
સ્વર:સોલી કાપડિયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


આજે ફરીથી સાંજ પડે દિલ ઉદાસ છે,
છે સાથ તારો આજે છતાં મન ઉદાસ છે.

ઢળતા સુરજની લાલી ભરી ચકચૂર છે ગગન,
આછો ઉભરતો ચાંદ ક્ષિતિજે ઉદાસ છે.

હાથોમાં લઈને હાથ બસ જોતો રહ્યો તને,
આશ્લેષમાં શ્વાસો તણા સ્પંદન ઉદાસ છે.

થાશું જુદાં ફરી અને મળશું ફરી કદી,
મિલનમાં હસતી આંખોમાં કીકી ઉદાસ છે.

પૂજ્યા’તા દેવ કેટલાં તેં પામવા મને,
દઈ ના શક્યો વરદાન પ્રભુ પણ ઉદાસ છે.

taintedsong.com taintedsong.com taintedsong.com

બાળગીતો

May 15th, 2012 17 comments
આલ્બમ:મેઘધનુષ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


વારતા રે વારતા
ભાભો ઢોર ચારતા,
ચપટી બોર લાવતા,
છોકરાંને સમજાવતા,
એક છોકરો રિસાયો,
કોઠી પાછળ ભીંસાયો,
કોઠી પડી આડી,
છોકરાએ ચીસ પડી,
અરરર… માડી !

એક બિલાડી જાડી
એણે પહેરી સાડી
સાડી પહેરી ફરવા ગઈ
તળાવમાં એ તરવા ગઈ
તળાવમાં તો મગ્ગર
બિલ્લીને આવ્યા ચક્કર
સાડીછેડો છૂટી ગયો
મગ્ગરના મોં માં આવી ગયો
મગ્ગર બિલ્લીને ખાઈ ગયો

મામાનું ઘર કેટલે?
દીવો બળે એટલે !
દીવા મેં તો દીઠા
મામા લાગે મીઠા !
મામી મારી ભોળી
મીઠાઈ લાવે મોળી.
મોળી મીઠાઈ ભાવે નહીં
રમકડાં કોઈ લાવે નહીં.

દાદાનો ડંગોરો લીધો,
એનો તો મેં ઘોડો કીધો.
ઘોડો કૂદે ઝમ ઝમ !
ઘૂઘરી વાગે ઘમ ઘમ
ધરતી ધ્રૂજે ધમ ધમ !
ધમ ધમ ધરતી થાતી જાય
મારો ઘોડો કૂદતો જાય,
કૂદતાં કૂદતાં આવે કોટ,
કોટ કૂદીને મૂકે દોટ.
સહુના મન મોહી ગયો,
એક ઝવેરી જોઈ રહ્યો,
ઝવેરીએ તો હીરો દીધો,
હીરો મેં રાજાને દીધો.
રાજાએ ઉતાર્યો તાજ,
આપ્યું મને આખું રાજ,
રાજ મેં રૈયતને દીધું,
મોજ કરીને ખાધું પીધું.

taintedsong.com taintedsong.com taintedsong.com

કેડી – રાજેન્દ્ર શુક્લ

May 14th, 2012 3 comments

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


પઠન: રાજેન્દ્ર શુક્લ

ઘેનની પ્યાલી પાય છે કેડી
ક્યાંક મને લઈ જાય છે કેડી

આભમાં હું તો ઉડતો જાણે
વાયરા ભેળી વાય છે કેડી

ફૂલમાં એની ફૂટતી ફોરમ
એકલી એકલી ગાય છે કેડી

જાત્રા જે રહી જાય અધૂરી
એજ પછી થઈ જાય છે કેડી

શોધતાં આખી જિંદગી લાગે
આંખમાં જો અટવાય છે કેડી

કોક ત્રિભેટે થઈશું ભેળાં
લો હવે ફંટાય છે કેડી.

taintedsong.com taintedsong.com taintedsong.com

બાઈ રે મને આજ – મુકેશ જોષી

May 12th, 2012 1 comment
આલ્બમ:સાત સૂરોના સરનામે
સ્વર:બિજલ ઉપાધ્યાય, વિરાજ ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


બાઈ રે મને આજ કો’કે લીંબોળી મારી
હું તો છટકીને ભાગવા ગઈ
કો’ક નજર્યુંની વાડ અડી ભારી..

લીંબોળી વાગીને આખુંયે અંગ કાંઈ એવું દુખે કાંઈ દુખે,
લીંબોળી મારીને મરકી જનારનું નામ નથી લેવાતું મુખે.
હું તો બારણાં બીડેલા રાખું તો ઉઘડી જતી કેમ બારી..
બાઈ રે.. મને આજ કો’કે લીંબોળી મારી..

હવે આંખોથી ટપકે ઉજાગરાં ને નીંદર તો શમણાની વાટે,
છાતીના ધબકારા લૂંટી ગયું કોઈ નાનકડી લીંબોળી સાથે.
હું તો આખાયે ગામને જીતી ને લીંબોળી સામે ગઈ હારી.
બાઈ રે.. મને આજ કો’કે લીંબોળી મારી..

લીંબોળીમાં તો બાઈ કેટલાય લીંબડા ને લીંબડાને કેટલીય ડાળી,
ડાળી પર કોયલ ને કોયલના ટહુકા ને ટહુકામાં પ્રિત ના ધરાણી
અરર બાઈ રે કેવી નવાઈ, હું તો ટહુકે હણાઈ પરભારી.
બાઈ રે.. મને આજ કો’કે લીંબોળી મારી..

taintedsong.com taintedsong.com taintedsong.com

આ સરવર સરવર – પન્ના નાયક

May 11th, 2012 No comments
આલ્બમ:વિદેશિની
સ્વરકાર:પુરષોત્તમ ઉપાધ્યાય
સ્વર:બિજલ ઉપાધ્યાય, વિરાજ ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


આ સરવર સરવર રમતાં રમતાં કમળ થઈને ખીલ્યા રે,
આ ઝરમર ઝરમર ઝરતાં ઝરતાં રંગ વાદળને ઝીલ્યાં રે.

વનનું લીલું ઝાડ લઈને આભે ઊડ્યું પંખી રે,
ટહુકોના ઊગ્યા તારલાં: નજર ગઈ કોઈ ડંખી રે.

ફૂલની કોમળ પાંદડીઓમાં ચંદ પૂનમનો ઉગ્યો રે,
આમ તો મારી આંખની સામે: તોયે વાદળ છૂપ્યો રે.

આ સરવર સરવર રમતાં રમતાં રડ્યા હસ્યાં ને જીવ્યા રે,
આંખોમાં તો ટહુકે કોયલ ભલે હોઠને સીવ્યા રે.

taintedsong.com taintedsong.com taintedsong.com