Archive

Click play to listen all songs in ‘વિરાજ ઉપાધ્યાય’ Category
This text will be replaced by the flash music player.

બાઈ રે મને આજ – મુકેશ જોષી

May 12th, 2012 1 comment
આલ્બમ:સાત સૂરોના સરનામે
સ્વર:બિજલ ઉપાધ્યાય, વિરાજ ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


બાઈ રે મને આજ કો’કે લીંબોળી મારી
હું તો છટકીને ભાગવા ગઈ
કો’ક નજર્યુંની વાડ અડી ભારી..

લીંબોળી વાગીને આખુંયે અંગ કાંઈ એવું દુખે કાંઈ દુખે,
લીંબોળી મારીને મરકી જનારનું નામ નથી લેવાતું મુખે.
હું તો બારણાં બીડેલા રાખું તો ઉઘડી જતી કેમ બારી..
બાઈ રે.. મને આજ કો’કે લીંબોળી મારી..

હવે આંખોથી ટપકે ઉજાગરાં ને નીંદર તો શમણાની વાટે,
છાતીના ધબકારા લૂંટી ગયું કોઈ નાનકડી લીંબોળી સાથે.
હું તો આખાયે ગામને જીતી ને લીંબોળી સામે ગઈ હારી.
બાઈ રે.. મને આજ કો’કે લીંબોળી મારી..

લીંબોળીમાં તો બાઈ કેટલાય લીંબડા ને લીંબડાને કેટલીય ડાળી,
ડાળી પર કોયલ ને કોયલના ટહુકા ને ટહુકામાં પ્રિત ના ધરાણી
અરર બાઈ રે કેવી નવાઈ, હું તો ટહુકે હણાઈ પરભારી.
બાઈ રે.. મને આજ કો’કે લીંબોળી મારી..

taintedsong.com taintedsong.com taintedsong.com

આ સરવર સરવર – પન્ના નાયક

May 11th, 2012 No comments
આલ્બમ:વિદેશિની
સ્વરકાર:પુરષોત્તમ ઉપાધ્યાય
સ્વર:બિજલ ઉપાધ્યાય, વિરાજ ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


આ સરવર સરવર રમતાં રમતાં કમળ થઈને ખીલ્યા રે,
આ ઝરમર ઝરમર ઝરતાં ઝરતાં રંગ વાદળને ઝીલ્યાં રે.

વનનું લીલું ઝાડ લઈને આભે ઊડ્યું પંખી રે,
ટહુકોના ઊગ્યા તારલાં: નજર ગઈ કોઈ ડંખી રે.

ફૂલની કોમળ પાંદડીઓમાં ચંદ પૂનમનો ઉગ્યો રે,
આમ તો મારી આંખની સામે: તોયે વાદળ છૂપ્યો રે.

આ સરવર સરવર રમતાં રમતાં રડ્યા હસ્યાં ને જીવ્યા રે,
આંખોમાં તો ટહુકે કોયલ ભલે હોઠને સીવ્યા રે.

taintedsong.com taintedsong.com taintedsong.com

કો’કના તે વેણને – મકરંદ દવે

May 18th, 2010 2 comments
આલ્બમ:સમન્વય ૨૦૦૯
સ્વરકાર:પુરષોત્તમ ઉપાધ્યાય
સ્વર:બિજલ ઉપાધ્યાય, વિરાજ ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


કો’કના તે વેણને વીણી વીણી ને વીરા
ઉછી ઉધારા ના કરીએ;
હૈયે ઉગે એવી હૈયાની વાતને
ફૂલ જેમ ફોરમતી ધરીએ.

કોયલ તો કોઈનો ટહુકો ન માગે
ને મોરલો કોઈની કેકા;
માનવીનું કાળજ તે કેવું કર્યું
પીડ પોતાની, પારકાં લહેકા.
રૂડાં રૂપાળા સઢ કોઈના શું કામના,
પોતાને તુંબડે તરીએ..

પોતાની વાંસળી પોતે બજાવીએ
ને રેલાવી દઈએ એક સૂર;
ઝીલનારું એને ઝીલી લેશે
ભલે પાસે જ હોય કે દૂર.
ઓલ્યા તે મોતમાં જીવી ગયા ને વીરા,
જીવતાં ન આપણે મરીએ…

taintedsong.com taintedsong.com taintedsong.com

ઝીણા ઝીણા રે આંકેથી – અનિલ જોશી

April 19th, 2010 3 comments
આલ્બમ:સમન્વય ૨૦૦૫
સ્વરકાર:ક્ષેમુ દિવેટિયા
સ્વર:બિજલ ઉપાધ્યાય, વિરાજ ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


ઝીણા ઝીણા રે આંકેથી અમને ચાળિયા,
કાયા લોટ થઈ ને ઉડી, માયા તોય હજી ન છૂટી,
ડંખે સૂની મેડી ને સૂનાં જાળિયા..
ઝીણા ઝીણા રે..

સૂની ડેલીને જોઈ પૂછશો ના કોઈ,
કે અવસરિયા કેમ નથી આવતા?
પાંદડું તૂટે તો લોહી નીકળશે ડાળને,
એટલે તોરણ નથી રે બાંધતા..
ઝીણા ઝીણા રે..

એક રે સળીને કોયલ માળો માનીને,
જીવતર જીવી ગઈ હવે થાય શું?
ઈ રે માળામાં કોઈ ઈંડું ન મુકશો,
મુકશો તો હાલરડાં ગાઈશું..
ઝીણા ઝીણા રે..

taintedsong.com taintedsong.com taintedsong.com

હજુ રસભર રાત તો – અવિનાશ વ્યાસ

December 16th, 2009 2 comments
આલ્બમ:સમન્વય ૨૦૦૫
સ્વર:બિજલ ઉપાધ્યાય, વિરાજ ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


હજુ રસભર રાત તો બાકી રહી ગઈ,
ના જા, ના જા, સાજના..

હજુ ચંદ્ર નથી બુજાઈ ગયો
છે તારાઓની છાંય,
હજુ રજનીના શામલ પગલાં
થોડું દૂર રહ્યું પરભાત.
જરી ચમક્યું ગગન વિરાટ,
ના જા, ના જા, સાજના..

હજુ ચંદનભીની કુંજન છે
હજુ સૂર ગુંજે સૂનકાર.
હજુ ઢાળ્યું નથી કંકુ સૂરજનું
તિમિર ને સૂનકાર.
હજુ ઝાંખી બળે દીપમાળ,
ના જા, ના જા, સાજના..

taintedsong.com taintedsong.com taintedsong.com