કોકરવરણો તડકો – વેણીભાઈ પુરોહિત
સ્વર: ચંદુ મટ્ટાણી
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
હજી આ કોકરવરણો તડકો છે,
સાંજ તો પડવા દો, દિવસને ઢળવા દો!
હજી આ સૂર્ય બુઝાતો ભડકો છે, સાંજ તો..
હજી ક્યાં પંખી આવ્યા તરૂવર પર
અને ક્યાં દીપક પણ પ્રગટ્યા ઘર ઘર,
હજી ના મનડું બેઠું મહુવર પર,
દેવમંદિરે નોબત સંગે, ઝાલર મધુર વગાડવા દો..
હજી આ ધરતી ઊની ઊની છે
ગગનની મખમલ તારક સૂની છે,
સાંજ તો શોખીન ને સમજુની છે,
કનકકિરણને નભવાદળમાં
અદભુત રંગ રગડવા દો, સાંજ તો..
હજી ક્યાં દુનિયાદારી થાકી છે,
હવાની રૂખ બદલવી બાકી છે,
હજી આ કિરણોમાં કરડાકી છે.
ગમતીલી ગોરજને ઉંચે
અંગે અંગ મરડવા દો, સાંજ તો..
not working properly …
સુંદર ગીત પણ સાંભળવું શક્ય નથી બનતું…
ઘણા વખતે વેણીભાઈનું ગીત વાંચવા મલ્યું. સરસ ગીત છે.
કોકરવરણો તડકો ચંદુભાઈનો હૂંફાળા અવાજે બહુ મઝાનો મઢાયો છે.
વેણીભાઈ શબ્દોનો ભંડાર અને લયના કવિ! તેમના ગીતોને સંગીત અને અવાજો પણ એવા જ બળકટ મળ્યા.
“તારી આંખનો આફીણિ… તેનુ ઉદાહરણ છે.
ઉપરના ગીતની બીજી પંક્તીમા “હજી આ ધરતી લગરીક ઊની છે…..” એમ હોવું જોઇએ. આપણી રોજની બોલચાલની ભાષામાં વપરાતા “લગરીક” શબ્દનો વેણીભાઈએ અહીં સુન્દર ઉપયોગ કર્યૉ છે.
આવું સુન્દર ગીત અહીં રજુ કરવા બદલ અભિનંદન!
દિનેશ પંડ્યા
સંગીત ખુબ સરસ છે. કુદરતનું વર્ણન ખુબ સરસ છે ,
સરવૈયા શિલ્પા