ઓ ઈશ્વર ભજીએ તને…

ઓ ઈશ્વર ભજીએ તને, મોટું છે તુજ નામ,
ગુણ તારાં નિત ગાઈએ, થાય અમારાં કામ.

હેત લાવી હસાવ તું, સદા રાખ દિલ સાફ,
ભૂલ કદી કરીએ અમે તો પ્રભુ કરજો માફ.

ઓ ઈશ્વર તમને નમીએ માંગુ જોડી હાથ,
આપો સારા ગુણ અને, સુખમાં રાખો નાથ.

મન વાણી ને હાથથી કરીએ સારાં કામ
એવી બુધ્ધિ દો અને પાળો બાળ તમામ.

ઓ ઈશ્વર તું એક છે સર્જ્યો તે સંસાર
પ્રુથ્વી પાણી પર્વતો તેં કીધા તૈયાર.

તારા સારા શોભતા, સૂરજ ને વળી સોમ,
તે તો સઘળાં તે રચ્યા જબરું તારું જોમ.

અમને આપ્યાં જ્ઞાન ગુણ, તેનો તું દાતાર,
બોલે પાપી પ્રાણીઓ, એ તારો ઉપકાર.

કાપ કલેશ કંકાસ ને, કાપ પાપ પરિતાપ,
કાપ કુમતિ કરુણા કરી કાપ કષ્ટ સુખ આપ.