છોકરાને સપનું આવ્યું ‘તું ગઈ રાતે – તુષાર શુક્લ
સ્વરાંકન: ગૌરાંગ વ્યાસ
સ્વર: સોનિક સુથાર
છોકરાને સપનું આવ્યું ‘તું ગઈ રાતે,
કેટલુંયે સમજાવ્યું છોકરીએ છોકરાને,
છોકરો ન માને કોઈ વાતે..
ચોક્ખી ચણાક સાવ સમજી શકાય એવી છોકરીએ પાડી ‘તી ના,
ગલ્લાને ઘેર કડી રાણી ન જાય તેમ છોકરાને સમજાવવું આ,
લો-ગાર્ડન પાસેથી છૂટાં પડ્યા ‘તા હજુ હમણા તો સાત – સાડા સાતે..
મળવા છતાંયે જે ના બોલી શક્યો એણે સપનામાં કીધું મલકાતે,
ઓશિકા બદલે ના સપના બદલાય, મારી રાત હવે ગઈ ગયા ખાતે.
ના પાડી તોયે આ હાલત છે છોકરાની, જો હા પાડી હોત તો શું થાતે?
અણગમતું આવે કે મનગમતું આવે એ સપનું છે સપનાની મરજી,
સપનું આંજેલ આંખ સૌથી ના ઉકલે, એ આંખો નથી રે કોઈ અરજી.
આંખોના સરનામે આવે સુગંધ એને ઓળખવી પડતી રે જાતે..
Related posts:
ખુબ સરસ.
અરે આતો સોનિક ના અવાજ માઆ ગાયેલુ ચ્હ્હ્.બહુ જ સરસ.બહુ ગમુય્યુ.