કીડી સમી ક્ષણોની – રાજેન્દ્ર શુકલ
સ્વરાંકન / સ્વર: પુરષોત્તમ ઉપાધ્યાય
કીડી સમી ક્ષણોની આ આવજાવ શું છે?
મારું સ્વરૂપ શું છે, મારો સ્વભાવ શું છે?
ઋતુઓના રંગ શું છે, ફૂલોની ગંધ શું છે?
લાગણી, લગાવ, લહેરો, આ હાવભાવ શું છે?
લયને ખબર નથી કૈં, આકાર પણ અવાચક,
શું છે રમત પવનની, ડાળીનો દાવ શું છે?
પર્વત ઊંચકું પણ પાંપણ ન ઊંચકાતી,
આ ઘેન જેવું શું છે, આ કરી ઘાવ શું છે?
પાણીની વચ્ચે પ્રજળે, કજળે કળીકળીમાં,
એનો ઈલાજ શું છે, આનો બચાવ શું છે?
ચિંતા નથી કશી પણ નમણાં નજૂમી કહી દે,
હમણાં હથેળી માંહે આ ધૂપછાંવ શું છે?
હર શ્વાસ જ્યાં જઈને ઉચ્છવાસને મળે છે,
સ્થળ જેવું એ નથી તો જળહળ પડાવ શું છે?
———————————————-
સાભાર: પંચમ શુક્લ
Related posts:
વાહ.. વાહ… વાહ… દિલ બાગ બાગ થઈ ગયું…
એકી બેઠકે પાંચ-છ વાર સાંભળી નાંખી આ ગઝલ…
બહુજ સરસ કામ થયું છે,આવી જ રચનાઓ આપતા રહે એવી શૂભેછા.
માતબર ગઝલની સુંદર ગાયકી!
સુધીર પટેલ.
શ્રી સુરોત્તમ પુરુષોત્તમના સ્વરમાં, સરસ સંગીત અને સરસ શબ્દો બેનમુન……
આપનો આભાર …………….
વાહ… સૂર અને શબ્દોનો સુભગ સમન્વય … !
બહુજ સુંદર ગઝલ, મજા આવી ગઈ. જેટલી સુંદર ગઝલ એટલીજ સુંદર ગવાઈ છે