પ્રેમમાં ખેંચાણ છે – મરીઝ
આલ્બમ: આવકાર
સ્વર: મનહર ઉધાસ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
પ્રેમમાં ખેંચાણ છે, આવી ગઈ શ્રધ્ધા મને,
એ હવે કહેવાને આવે છે કે ભૂલી જા મને.
કૈંક ખામી આપણા આ પ્રેમનાં બંધનમાં છે,
છૂટવા માટે હજી દેખાય છે રસ્તા મને.
હું તને જોતે તો દુનિયાને પછી જોતે નહિ,
તું મને જોતે તો જોતી થઈ જતે દુનિયા મને.
થાય ટીકા આપની એ પણ મને ગમતું નથી,
હો પ્રશંસા આપની તો થાય છે ઈર્ષા મને.
હાથમાં આવી ગયું’તું એમનું આખું જીવન,
હું હતો ગાફિલ, નહીં દેખાયા એ મોકા મને.
આ સતત અવગણના એની મહેરબાની છે, ‘મરીઝ’,
ધીમે ધીમે એ કરી દેવાના બેપરવા મને.
થાય ટિકા આપની એ પણ મને ગમતુ નથી
હો પ્રશસા આપની તો થાય છે ઇર્ષા મને
બહુ જ સરસ રચના છે.
એક્દમ સરસ રચના…!!
તમારી રચના મને ખુબ જ ગમી.