આ મનપાંચમનાં મેળામાં – રમેશ પારેખ
સ્વરાંકન: ઉદય મઝુમદાર
સંગીત: શ્યામલ-સૌમિલ મુન્શી
સ્વર: રેખા ત્રિવેદી, ઉદય મઝુમદાર
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આ મનપાંચમના મેળામાં સૌ જાત લઈને આવ્યા છે;
કોઈ આવ્યાં છે સપનું લઈને, કોઈ રાત લઈને આવ્યાં છે.
કોઈ ફુગ્ગાનું ફૂટવું લાવ્યા કોઈ દોરાનું તૂટવું લાવ્યા;
કોઈ અંગત ફાડી ખાનારું એકાંત લઈને આવ્યા છે.
કોઈ ઝરમર ઝરમર છાંયડીઓ, કોઈ ઉભડક ઉભડક લાગણીઓ;
કોઈ ફાળ, તો કોઈ તંબુની નિરાંત લઈને આવ્યાં છે.
કોઈ ચશ્મા જેવી આંખોથી વાંચે છે છાપાં વાચાનાં;
ને કોઈ અભણ હોઠો જેવી વિસાત લઈને આવ્યાં છે.
કોઈ ધસમસતા ખાલી ચહેરે, કોઈ ભરચક શ્વાસે ઊમટતા;
કોઈ અધકચરા, કોઈ અણોસરા જજબાત લઈને આવ્યા છે.
કોઈ લાવ્યા ખિસ્સું અજવાળું, કોઈ લાવ્યા મુઠ્ઠી પતંગિયા;
કોઈ લીલી સૂકી આંખોની મિરાત લઈને આવ્યાં છે.
આ પત્થર વચ્ચે તરણાનું હિજરાવું લાવ્યો તુંય ‘રમેશ’;
સૌના ખભે સૌ અણિયાળી કોઈ વાત લઈને આવ્યાં છે.
my favourite song….nice to enjoy here once again.
રમેશ પારેખનું સદાબહાર ગીત
આ મનપાંચમના મેળામાં સૌ જાત લઈને આવ્યા છે;
કોઈ આવ્યાં છે સપનું લઈને, કોઈ રાત લઈને આવ્યાં છે.
કોઈ ફુગ્ગાનું ફૂટવું લાવ્યા કોઈ દોરાનું તૂટવું લાવ્યા;
કોઈ અંગત ફાડી ખાનારું એકાંત લઈને આવ્યા છે.
કોઈ ઝરમર ઝરમર છાંયડીઓ, કોઈ ઉભડક
ખુબ સરસ ટીમનું મધુરું સર્જન
માણતા આનંદ
મનપાચમના મેળામા…………………………………….હવે કોણ લઇ જશે.
કેટલી સહજતાથી માનવમનની દરેક અવસ્થાનો મેળો જામ્યો છે
ર.પા.ના આ ગીતમાં ………
અને તેમાઁ પણ-
ચશ્મા જેવી આઁખોથી વાચાને વાઁચી
હોઠો કેવા મૂંગામંતર રાખતા હોય છે તે દંભીપણાનો સુઁદર ખયાલ…
સાચી વાત … આ મનપાઁચમના મેળામાં હવે કોણ લઇ જશે ?
આ પછી ર.પા. એ કંઇ જ ન લખ્યું હોત તો પણ મારી દ્રષ્ટિએ,એમનું સ્થાન ગુજરાતી સાહિત્યનાં ગગનમાં એટલી જ તેજસ્વીતાથી દેદીપ્યમાન હોત જેટલું આજે છે
કેવી અદભૂત વાત લખી છે !!!!
અફસોસ એજ છે કે આજે એ પોતે જ આ મન પાંચમના મેળાને જેમ હતો એમ મૂકીને ચાલ્યા ગયા……..
મન પાંચમના આ મેળામાં, ગુજરાતી સાહિત્યનો એક ધનિક વણજારો,પોતાની કસબી કલમથી કોરીને કંડારેલાં કમનીય કવનોની પોઠો ભરીને કયાંકથી આવી ચડયો અને છૂટે હાથે એને અહીં જ વેરી કોણ જાણે ભલા કયાં ચાલી નીકળ્યો!
કવિ ર.પા.નું તત્વજ્ઞાન ભરેલું આ મનપાંચના મેળાનું કેવું સુંદર દર્શન!
આ ગીત ના ગાયક અને સ્વરકારની સાચી જોડણી ” ઉદય મઝુમદાર ” છે. આપને આ જોડણી સુધારી લેવા નમ્ર વિનંતી.
આભાર.
ઉદય મઝુમદાર
વાહ રે વાહ! શું ગીત લખ્યુ છે. આભાર નીરજભાઈ.
અદ્ ભુત ગીત આ મન પુલકિત કરી દે તેવુ
ખુબજ સુદર રચના.
ખુબ મજા આવી. ર.પા.ના બીજા ગીતો પન સમ્ભલાવજો.
ખુબ જ સુન્દર રીતે ગવાયેલ અદ્ભુત ગીત. Ramesh Parekh is simply genius. તેઓ હંમેશા ગુજરાતી સાહિત્ય પ્રેમીઓ ના હ્રદયમાં જીવંત છે અને રહેશે.
One of my favorite song in Gujarati.