મારું જીવન એ જ મારી વાણી – ઉમાશંકર જોશી

આલ્બમ: હસ્તાક્ષર

સ્વર: સૌમિલ મુન્શી

મારું જીવન એ જ મારી વાણી, બીજું એ તો ઝાકળ પાણી.

મારા શબ્દો ભલે નાશ પામો, કાળ ઉદર માંહી વીરામો.
મારા કૃત્ય બોલી રહે તો ય, જગે કેવળ સત્યનો જય.
મારો એ જ ટકો આચાર, જેમાં સત્યનો જયજયકાર.

સત્ય ટકો, છો જાય આ દાસ, સત્ય એ જ હો છેલ્લો શ્વાસ.
એને રાખવાનું કોણ બાંધી, એને મળી રહેશે એના ગાંધી.
જન્મી પામવો મુક્ત સ્વદેશ, મારું જીવન એ જ સંદેશ.