આજ મારા હૈયામાં – સુરેશ દલાલ
સ્વર: ઐશ્વર્યા મજમુદાર
આજ મારા હૈયામાં ફાગણનો ફોરમતો ફાલ રે.
પિચકારી મારો નહીં ગિરધારીલાલ રે.
તારા તે કાળજાને કેસુડે લાલ લાલ
ઝુલે મારા અંતરની ડાળ;
રોમ આ રંગાય મારુ તારી તે આંખના
ઉડતા અણસાર ને ગુલાલ.
રાધિકાનો રંગ એક તારું તે વ્હાલ રે.
પિચકારી મારો નહીં ગિરધારીલાલ રે.
આજ મારા હૈયામાં..
મીઠેરી મુરલીના સુર તણી ધાર થકી
ભીનું મારા આયખાનું પોત;
અંતર ને આંખના અબીલ ગુલાલની
આજ લગી વ્હાલી મુને ચોટ.
રાધિકાનો રંગ એક તારું તે વ્હાલ રે.
પિચકારી મારો નહીં ગિરધારીલાલ રે.
આજ મારા હૈયામાં..
Related posts:
ફાગણનો ફોરમતો ફાલ કવિશ્રી સુરેશ દલાલના હૈયામાં ફાલ્યો..
અને..
સુરીલી ઐશ્વયૉના સ્વરમાં ઢળ્યો..
ગુજરાતની ધરા ધન્ય છે કે આવાં રત્નો નિકળ્યાં જ કરે છે..
નવી પેઢી ગુજરાતી સંગીતનો આ અમુલ્ય વારસો જાળવવા સક્ષમ છે.
ધન્ય ધન્ય ધરા ગુજૅર…
રાધિકા નો રઁગ એક તારુ તે વ્હાલ રે …. બહુ જ સુઁદર રચના
realy very useful site 4 all who likes music
કોકિલકંઠી ઐશ્વર્યાના સુરિલા આલાપમા જ મન ખોવાય જાય છે.
અને સુરેશ દલાલના શબ્દો સાંભળતા તો ભાન ભુલી જવાય છે.
Fantastic combination of superb lyrics + composition + singing + music arrangement.