સ્વર: મનહર ઉધાસ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

“સમયનો સાદો નિયમ છે કે એ અટકતો નથી,
નિયમ છે પ્રેમનો સાદો કદી એ ટકતો નથી,
તમારો સાદો નિયમ છે કે સૌને ભટકાવો,
ને મારો સાદો નિયમ છે કે હું ભટકતો નથી.”

સંધ્યાની જેમ ક્ષણમાં ઢળી જાય છે સમય,
સદ્-ભાગી કો’કને જ ફળી જાય છે સમય.

રહેશો ના કોઈ પણ આ સમયના ગુમાનમાં,
સરતો હવાની જેમ સરી જાય છે સમય.

ક્યારેય કોઈ એકનો થઈને રહ્યો નથી,
રાજા અને નવાબનો બદલાય છે સમય.

‘આઝાદ’ અણઉકેલ સમસ્યા છે આ સમય,
સમજી શકે છે તેમને સમજાય છે સમય.

સ્વર: મનહર ઉધાસ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

“હું આપની વાતો ના માનું, એવું તો કશુંયે ખાસ નથી,
પણ આપની વાતો જાદુ છે, જાદુમાં મને વિશ્વાસ નથી.”

બહુ ઓછા હશે જે સત્ય વાતોને સ્વીકારે છે,
ઘણાની જિંદગી તો જુઠનાં કેવળ સહારે છે.

અમારાને અમારા જે હતા તેઓ પરાયા થઈ,
વધારે ને વધારે વેદનાઓને વધારે છે.

ઉભા રહીને કિનારે ને કિનારે દ્રષ્ય જોનારા,
તમાશો ડૂબનારાનો જૂએ છે કોણ તારે છે?

સમય સાથે નથી હિંમત કરી જેઓ લડી શકતા,
વિચારો ને વિચારોમાં જીતેલા દાવ હારે છે.

દુઆ કરતા હતા ‘આઝાદ’ જે મારા મરણ માટે,
હવે મારી કબર આરસની કરવાનું વિચારે છે.

સ્વર: મનહર ઉધાસ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ખુદાની મને મહેરબાની ઘણી છે
ઘણાની મહોબ્બત અને લાગણી છે

અમસ્તી નથી નામના થઈ અમારી
અમે વાવણી જે કરી, તે લણી છે

બધે પેશ આવ્યા અમે લાગણીથી
અમે લાગણી લોહી સાથે વણી છે

ધરા ધ્રુજશે તોય પડશે નહીં એ
મહોબ્બતની ઊંચી ઈમારત ચણી છે

મને એવા ‘આઝાદ’ મિત્રો મળ્યા છે
જે મિત્રો નથી કિન્તુ પારસમણી છે