Archive

Click play to listen all songs in ‘ડૉ. વિવેક ટેલર’ Category
This text will be replaced by the flash music player.

અડધી રમતથી ઊઠવાની છૂટ છે તને – વિવેક મનહર ટેલર

March 16th, 2010 14 comments
સ્વરકાર:મેહુલ સુરતી
સ્વર:અમન લેખડિયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


મિત્રો,

આજે રણકારની સાથે સાથે આપણા વ્હાલા કવિ વિવેક ટેલરનો પણ જન્મદિવસ છે. રણકાર તથા સૌ મિત્રો તરફથી વિવેકભાઈ ને જન્મદિવસની ખુબ ખુબ શુભેચ્છાઓ. સાંભળીએ તેમની જ એક ગઝલ.

અડધી રમત થી ઊઠવાની છૂટ છે તને,
તારી શરત થી જીતવાની છૂટ છે તને.

વાતો જો થઈ શકે તો દિલે બોજ ના રહે,
સીવેલાં હોઠ લઈ જવાની છૂટ છે તને.

ખાલી જગા સમાન આ જીવન હવે થયું,
પૂરી શકે એ પૂરવાની છૂટ છે તને.

મરજીથી તારી ગઈ છે તું, મનફાવે ત્યારે, યાર!
ખૂલ્લાં છે દ્વાર, આવવાની છૂટ છે તને.

નિશ્ચય છે મારો, હું તને પામું આ જન્મમાં,
ચોર્યાસી લાખ વેઠવાની છૂટ છે તને.

આ આંગળીનાં શ્વાસમાં થઈ શબ્દની હવા,
આશ્રિત ને પ્રાણ બક્ષવાની છૂટ છે તને.

taintedsong.com taintedsong.com taintedsong.com

એક ઘેરો રંગ છે મારી ભીતર – ડૉ. વિવેક ટેલર

April 16th, 2009 10 comments

ડૉ. વિવેક મનહર ટેલર, ગુજરાતી બ્લૉગ જગતનું ખુબ જાણીતું નામ. સદાબહાર કવિ અને એટલા જ ઉમદા માણસ. તેમનાં પરિચયમાં વધુ કંઈ કહેવાનું રેહતું નથી. માણીએ તેમની જ એક સુંદર ગઝલ.

સ્વર/સ્વરાંકન: શૌનક પંડ્યા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

એક ઘેરો રંગ છે મારી ભીતર,
મૌન છે પણ તંગ છે મારી ભીતર.

લોહીમાં સૂરજ કદી ઉગ્યાં નહીં,
જો, નિશા અડબંગ છે મારી ભીતર.

ટુકડે-ટુકડા થઈ ગયો તો પણ જીવું,
આયનાઓ દંગ છે મારી ભીતર.

હું નવી દુનિયામાં જન્મેલી ગઝલ,
કાફિયા સૌ તંગ છે મારી ભીતર.

શ્વાસ નશ્વર, થઈ ગયાં ઈશ્વર હવે,
શબ્દનો સત્સંગ છે મારી ભીતર.

બેઉ પક્ષે હું જ કપાઉં, કેવું યુદ્ધ
મન-હૃદયની સંગ છે મારી ભીતર!
———————————
સાભાર: શબ્દો છે શ્વાસ મારા

taintedsong.com taintedsong.com taintedsong.com