મીઠા લાગ્યા તે મને – પ્રભુલાલ દ્વિવેદી
પરંપરાગત જૂની ગુજરાતી રંગભૂમિનો એક સુવર્ણયુગ હતો. ગુજરાતનાં ગામડે ગામડે ભજવાયેલા નાટકો માણનારા પ્રેક્ષકો આજે પણ એના સંભારણાથી સમૃધ્ધ હશે. બોલચાલની સીધી સહજ અને સરળ ભાષામાં લખાયેલા, સ્વરબધ્ધ થયેલા અને ગવાયેલા આ ગીતોમાં લોકજીવનમાંથી જન્મેલા અને લોકજીભે સચવાયેલા નવે નવ રસ સામેલ હતાં. આજે સાંભળીયે એવાં જ એક નાટક ‘વડીલોનાં વાંકે’ માટે લખાયેલ આ સુંદર ગીત..
સ્વર: દીપ્તિ દેસાઈ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
મીઠા લાગ્યા તે મને આજનાં ઉજાગરા,
જોતી ‘તી વાલાની વાટ રે,
અલબેલા કાજે ઉજાગરો, મીઠા લાગ્યા તે..
પગલે પગલે એનાં ભણકારા વાગતાં,
અંતરમાં અમથો ઉચાટ રે,
અલબેલા કાજે ઉજાગરો, મીઠા લાગ્યા તે..
બાંધી મેં હોડ આજ નીંદરડી સાથ ત્યાં,
વેરણ હિંડોળાખાટ રે,
અલબેલા કાજે ઉજાગરો, મીઠા લાગ્યા તે..
ઘેરાતી આંખડીને દીધાં સોગંદ મેં,
મટકું માર્યું તો તારી વાત રે,
અલબેલા કાજે ઉજાગરો, મીઠા લાગ્યા તે..
… ક્યાં ગયાં એ રંગભૂમીના નાટક ?
અને
એ મધુરા મધુરા યાદ રહી જાય તેવાં ગીતો!
મઝા આવી ગઈ
ખુબજ સરસ રચના છે,
અને સારી ગાયકિ છે, નિ.
૨૫૦૦૦ ગીતો પૈકી મારે તો વધુમાં વધુ જાણવા^ છે.છે કોઈ ઉપાય ?
like it
માલવપતિ મુંજ નાટક માં અશરફખાન જયારે આ ગીત ગાતાં ત્યારે ૧૬ ૧૬ વાર વન્સ મોર પ્રેક્ષક ગણ કરાવતા ……તેની યાદ આવી …સુન્દેર