તારા બગીચામાં રહેતી ગઈ – પન્ના નાયક

આલ્બમ: સમન્વય ૨૦૦૮

સ્વર: જહાનવી શ્રીમાંનકર

તારા બગીચામાં રહેતી ગઈ
ને ટહુકાનું પંખી એક દેતી ગઈ
અને કહેતી ગઈ કે હવે જાઉ છું.

ઝાડવાની લીલેરી માયા મને,
ફૂલની સુગંધની છાયા મને,
અને વહેતા આ વાયરામાં વહેતી ગઈ,
કંઈક જન્મોની વાતને ઉકેલતી ગઈ
અને કહેતી ગઈ કે હવે જાઉ છું.

આ દિવસ ને રાતની કળીઓ ખૂલી,
અહીં પળપળના ગુંજનની ગાથા ઝૂલી,
હું તો ભમતી ગઈ ને કશું ભૂલતી ગઈ
ને યાદ કરતી ગઈ,
અને કહેતી ગઈ કે હવે જાઉ છું.