Archive

Click play to listen all songs in ‘વિનોદ જોષી’ Category
This text will be replaced by the flash music player.

આપી આપીને – વિનોદ જોષી

May 29th, 2014 10 comments
આલ્બમ:શબ્દ પેલે પાર
સ્વરકાર:પરેશ નાયક
સ્વર:માલિની પંડિત નાયક

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


આપી આપીને તમે પીંછું આપો સજન,
પાંખો આપો તો અમે આવીએ..

ચાંદો નીચોવી અમે વાટકા ભર્યા
ને એને મોગરાની કળીએ હલાવ્યાં;
આટલા ઉઝરડાને શમણું ઓઢાડી
અમે ઊંબરની કોર લાગી લાવ્યા.

આપી આપીને તમે ટેકો આપો સજન,
નાતો આપો તો અમે આવીએ..

કાગળમાં કાળઝાળ રેતી વીંઝાય
અને લેખણમાં બેઠી છે લૂ;
આંગળિયું ઓગળીને અટકળ થઇ જાય
અમે લખીએ તો લખીએ પણ શું?

આપી આપીને તમે આંસુ આપો સજન,
આંખો આપો તો અમે આવીએ..

taintedsong.com taintedsong.com taintedsong.com

કુંચી આપો બાઈજી – વિનોદ જોશી

April 22nd, 2010 5 comments
આલ્બમ:સમન્વય ૨૦૦૫
સ્વરકાર:અમર ભટ્ટ
સ્વર:અમર ભટ્ટ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


કુંચી આપો બાઈજી,
તમે કિયા પટારે મેલી મારા મૈયરની શરણાઈજી?

કોઈ કંકુ થાપા ભૂંસી દઈ, મને ભીંતેથી ઉતરાવો,
કોઈ મીંઢળની મરજાદા લઈ મને પાંચીકડા પકડાવો,
ખડકી ખોલો બાઈજી,
તમે કિયા કટાણે પોંખી મારા કલરવની કઠણાઈજી,
મારા મૈયરની શરણાઈજી..

તમે ઘરચોળામાં ઘુઘરિયાળી ઘરવખરી સંકેલી,
તમે અણજાણ્યા ઉંબરિયેથી મારી નદીયું પાછી ઠેલી,
મારગ મેલો બાઈજી,
તમે કિયા કુહાડી વેડી મારા દાદાની વડવાઈજી,
મારા મૈયરની શરણાઈજી..

taintedsong.com taintedsong.com taintedsong.com

પાંદડાએ લે મને ઉભી રાખી – વિનોદ જોષી

February 10th, 2010 6 comments
આલ્બમ:સમન્વય ૨૦૦૫
સ્વરકાર:દક્ષેશ ધ્રુવ
સ્વર:ઝરણા વ્યાસ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


પાંદડાએ લે મને ઉભી રાખી,
પછી અમથી, ને પછી તમથી
ને પછી સાચકલી વાત કહી આખી.

વાતમાં તો ઝાકળની લૂમ,
એને વેળો તો દાંતરડા બુઠ્ઠાં થઈ જાય,
સુરજના હોંકારે જાગેલા કાળમીંઢ
પડછાયા જુઠ્ઠા થઈ જાઉં.
ઝાડવાએ લે મને ઉભી રાખી,
પછી અરડી, ને પછી મરડી
ને પછી તડકેથી છાયાડીમાં નાખી.

કોઈવાર માળામાં ઉતરતું ચાંદરણું
ડાળખીમાં ત્રાંસુ થઈ જાય,
કોઈવાર આંખોમાં આથમેલ શમણાઓ
ગળચટ્ટા આંસુ થઈ જાય.
વાયરાએ લે મને ઉભી રાખી,
પછી ઐંથી, ને પછી તૈથી,
ને પછી પગથી તે માથા લગી ચાખી.

taintedsong.com taintedsong.com taintedsong.com

પરપોટો થઈ ફૂટી ગયો – વિનોદ જોષી

November 12th, 2009 5 comments

સ્વર: આલાપ દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

પરપોટો થઈ ફૂટી ગયો દરિયો રે,
કાંઠે બેસી બીજ રોપતા એક છોકરે,
છાલ ખાઈને ફેંકી દીધો ઢળિયો રે.

હથેળીઓમાં સોળ વરસને કીધી માઝમ કેદ,
નસીબની રેખામાં ઘોળ્યા સ્વાસ ભરેલા ભેદ;
સાવરણીની સાથ સળીની આણ ફગાવી,
ખીલી ગઈ બે કુણી કુંવારી કળીઓ.

અંધકારના અજાણ રાતા નગર ફળ્યા બે શ્વાસ,
ગઢમાં ગહેક્યા મોર સાંભળી ફરફર ડોલ્યું ઘાસ;
દરિયો ડોળી ગીત ગોબરું દરિયા કાંઠે
ભરી ભરીને ઠાલવે રે આંગળીયો.

taintedsong.com taintedsong.com taintedsong.com

કૂંચી આપો બાઈજી – વિનોદ જોષી

February 13th, 2008 7 comments

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

કૂંચી આપો, બાઈજી !
તમે કિયા પટારે મેલી મારા
મૈયરની શરણાઈ જી !

કોઈ કંકુ થાપા ભૂંસી દઈ
મને ભીંતેથી ઊતરાવો,
કોઈ મીંઢણની મરજાદા લઈ
મને પાંચીકડાં પકડાવો.

ખડકી ખોલો બાઈજી !
તમે કિયા કટાણે પોંખી મારા
કલરવની કઠણાઈજી !

તમે ઘરચોળામાં ઘુઘરિયાળી
ઘરવખરી સંકેલી,
તમે અણજાણ્યા ઉંબરિયેથી
મારી નદિયું પાછી ઠેલી !

મારગ મેલો બાઈજી !
તમે કિયા કુહાડે વેડી મારા
દાદાની વડવાઈજી !

taintedsong.com taintedsong.com taintedsong.com