આલ્બમ:
અણમોલસ્વર:
મનહર ઉધાસAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
હું ચહેરો ત્યાં જ છોડીને તને મળવા નહીં આવું,
કે દર્પણ તોડી-ફોડીને તને મળવા નહીં આવું.
ખુમારી તો ખરેખર વારસાગત ટેવ છે મારી,
હું મારી ટેવ છોડીને તને મળવા નહીં આવું.
કહે તો મારું આ માથું મૂકી લાવું હથેળી પર,
પરંતુ હાથ જોડીને તને મળવા નહીં આવું.
ટકોરા દઈશ પણ દરવાજો તારે ખોલવો પડશે,
કોઈ દીવાલ તોડીને તને મળવા નહીં આવું.
સ્વરાંકન: અજીત મર્ચન્ટ
સ્વર: ગાર્ગી વોરા
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
વરસે છે મારી આંખથી શ્રાવણ હજી સુધી
ગૂંથું છું આસુંઓનાં હું તોરણ હજી સુધી.
દિલનાં ઝખમનો કેટલો ઉપચાર હું કરું?
એ ઘાવ રૂઝાતો જરા પણ હજી સુધી.
દિલની વ્યથાનો ભેદ કહી દઉં કે ચૂપ રહું,
ડંખે છે આ સવાલ ને મુંઝવણ હજી સુધી.
સ્વર: મનહર ઉધાસ
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ઢોલ ઢબૂક્યો આંગણિયે ને, ગાજ્યું આખું ગામ,
પિતળીયા લોટા માંજીને, ચળક્યું આખું ગામ.
બે હૈયાનાં દ્વાર ખૂલ્યાની ચીસ હવામાં પ્રસરી,
શ્વાસ ઢબૂરી ઓરડો સૂતો, જાગ્યું આખું ગામ.
કંકોત્રીમાં અત્તર છાંટી, ઘર ઘર નોતરાં દીધાં,
ભેટ સોગાતો થાળ ભરીને, લાવ્યું આખું ગામ.
ભીના વાને થાતાં વાલમ, દેશ થયો પરદેશ
ઘરનો ઉંબર તો શું છોડ્યો, છોડ્યું આખું ગામ.
એકમેકનાં વિશ્વાસોને ઠેસ જરાસી વાગી,
કાચનું વાસણ ફૂટે એવું ફૂટ્યું આખું ગામ.
તાજેતરનાં અભિપ્રાયો