મુખ પર મલકાયું – ભાસ્કર વોરા
April 20th, 2010
4 comments
આલ્બમ:મોરપિચ્છ
સ્વરકાર:આશિત દેસાઈ
સ્વર:આરતિ મુન્શી
સ્વરકાર:આશિત દેસાઈ
સ્વર:આરતિ મુન્શી
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
પ્રસ્તાવના: તુષાર શુક્લ
મુખ પર મલકાયું ગોકુળિયું ગામ ને મનમાં મથુરાના મ્હેલ,
ઓ મારા છેલ, આમ બેઉ બાજુ તે પ્રીત નાં જગાડીએ!
જમુનાનાં જળ હવે મૃગજળ-શાં લાગે ને નંદનવન રેતીનું રણ,
પૂનમને ઘેરી અમાસ હવે ડંખતી આ એક એક જીવનના કણ!
આ બાજુ કણકણમાં લીલા દેખાડો ને એ બાજુ મથુરાની સ્હેલ,
ઓ મારા છેલ, આમ બેઉ બાજુ તે પંડ ના પુગાડીએ!
મુરલીના સૂર હવે કાંટા-શા વાગે ને કુંજગલી કાંટાળી વાડ,
લીલુડા લ્હેરિયાના લીરા જો ઊડતા ને ઊડતા લાખેણા લાડ!
લાડ કરી આ બાજુ અમને ડોલાવો ને એ બાજુ મથુરાની ઢેલ,
ઓ મારા છેલ, આમ બેઉ બાજુ તે ઢોલ ના વગાડીએ!
Categories: આરતિ મુન્શી, આશિત દેસાઈ, કૃષ્ણગીત, ભાસ્કર વોરા, મોરપિચ્છ arti munshi, ashit desai, bhaskar vora, krushna geet
તાજેતરનાં અભિપ્રાયો