આવ સજનવા – દિલીપ રાવળ

January 24th, 2012 12 comments
સ્વરકાર:રિશીત ઝવેરી
સ્વર:હિમાલી વ્યાસ નાયક

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


મને તરબોળ થવું,
હવે ભીની ભીની રાતો લઈને, આવ સજનવા
તું વરસાદી વાતો લઈને આવ સજનવા.

ચૈતર ટાઢો ડામ બનીને અંગ અંગને બાળે,
પરસેવે હું રેબઝેબ ને ગામ બધું ભાળે,
રોમરોમમાં ગીત મૂકીશું તું અષાઢને ગાતો લઈને, આવ સજનવા,
તું વરસાદી વાતો લઈને આવ સજનવા.

આવ આપણા સંબંધોને નામ આપશું થોડા,
પળ પળ વીતી જાય વાલમા, પછી પડીશું મોડા,
તોડ્યો જે ના તૂટે એવો એક નાતો લઈને, આવ સજનવા,
તું વરસાદી વાતો લઈને આવ સજનવા.

taintedsong.com taintedsong.com taintedsong.com

તારા નામનું – અંકિત ત્રિવેદી

January 19th, 2012 14 comments
આલ્બમ:તારી સાથે
સ્વરકાર:ગૌરાંગ વ્યાસ
સ્વર:કવિતા કૃષ્ણમૂર્તિ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


તારા નામનું મંદિર ગણ કે તારા નામની દેરી,
રોજ કરું છું તારી પૂજા, બે પાંપણને ઘેરી..

પથ્થરને મૂર્તિ માન્યાની ભૂલ કરું શું કામ?
જીવતા જીવત ઈશ્વર જેવો મનગમતો મુકામ
શ્વાસની આવન-જાવન વચ્ચે તને જ રાખું પહેરી..
રોજ કરું છું તારી પૂજા, બે પાંપણને ઘેરી..

ખિલવું, ખૂલવું ને ઝૂરવાનું ધજા સમું ફરફરવું
અત્તર પહેરી સુગંધને પણ ગમશે હરવું, ફરવું
તું પ્રગટેને ઝળહળ આખી રોમરોમની શેરી..
રોજ કરું છું તારી પૂજા, બે પાંપણને ઘેરી..

taintedsong.com taintedsong.com taintedsong.com

હું ચહેરો ત્યાં જ – ખલીલ ધનતેજવી

January 17th, 2012 4 comments
આલ્બમ:અણમોલ
સ્વર:મનહર ઉધાસ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


હું ચહેરો ત્યાં જ છોડીને તને મળવા નહીં આવું,
કે દર્પણ તોડી-ફોડીને તને મળવા નહીં આવું.

ખુમારી તો ખરેખર વારસાગત ટેવ છે મારી,
હું મારી ટેવ છોડીને તને મળવા નહીં આવું.

કહે તો મારું આ માથું મૂકી લાવું હથેળી પર,
પરંતુ હાથ જોડીને તને મળવા નહીં આવું.

ટકોરા દઈશ પણ દરવાજો તારે ખોલવો પડશે,
કોઈ દીવાલ તોડીને તને મળવા નહીં આવું.

taintedsong.com taintedsong.com taintedsong.com

મીઠી લાગી છે મને – ભદ્રાયુ મહેતા

January 14th, 2012 7 comments
આલ્બમ:લલિત માધુરી
સ્વરકાર:ભદ્રાયુ મહેતા
સ્વર:નિષ્કૃતિ મહેતા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


મીઠી લાગી છે મને મોહનની વાંસળી
સંગે વિતાવી એની મેં તો સારી રાતડી
પૂછે ના કોઈ મને એની મીઠી વાતડી
હાયે લૂટાણી મારા હૈયા કેરી હાટડી

સાંવરિયાનું જાદુ એવું જાણે મુજને લાગ્યું ઘેલું,
હું શું બોલું, મોં ના ખોલું,
બોલું તો એટલું કે મીઠી એ તો રાતડી

પ્રેમ જોગીની જોગણ બનીને
રસિક રાજની રસિલી બનીને
ભાન ભૂલીને સાન ભૂલીને
ઓઢી ઓઢી છે મેં તો
એની મંગલ ઘાટડી.. મીઠી લાગી છે..

taintedsong.com taintedsong.com taintedsong.com

તમે કોઈ દિવસ પ્રેમમાં પડ્યા છો ? – મુકેશ જોષી

January 12th, 2012 11 comments
સ્વરકાર:કેદાર ઉપાધ્યાય
સ્વર:કેદાર ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


તમે કોઈ દિવસ પ્રેમમાં પડ્યા છો ?
એકાદી મુઠ્ઠીનું અજવાળું આપવા આખીયે જિંદગી બળ્યા છો ?

તમે લોહીઝાણ ટેરવા હોય તોય કોઈના મારગથી કાંટાઓ શોધ્યાં ?
તમે લીલેરા છાંયડાઓ આપીને કોઈના તડકાઓ અંગ ઉપર ઓઢ્યાં ?
તમે એકવાર એનામાં ખોવાયા બાદ કદી પોતાની જાતને જડ્યાં છો ?
તમે કોઈ દિવસ પ્રેમમાં પડ્યા છો ?

તમે કોઈની આંખ્યુંમાં વીજના કડાકાથી ખુદમાં વરસાદ થતો જોયો ?
તમે કોઈના આભને મેઘધનુષ આપવા પોતાનાસુરજને ખોયો ?
તમે મંદિરની ભીંત ઉપર કોઈની જુદાઈમાં માથું મૂકીને રડ્યા છો?
તમે કોઈ દિવસ પ્રેમમાં પડ્યા છો ?

taintedsong.com taintedsong.com taintedsong.com