Archive

Click play to listen all songs in ‘જગજીત સિંહ’ Category
This text will be replaced by the flash music player.

પ્રથમ આ ચુંબન – કમલેશ સોનાવાલા

March 6th, 2009 11 comments

સ્વર: જગજીત સીંગ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

પ્રથમ આ ચુંબન, જોઈ ભ્રમરને,
કળીને યાદો ફરીને આવે.

ગુલાબી ગાલો ખુમારી ખંજન,
દિલોમાં કાંઈ કાંઈ શરાર આવે;
ગેસૂમાં ગૂંથ્યો ગુલોનો ગજરો,
ચમન ચમનમાં બહાર આવે.

પવનમાં પાલવ સરક સરકતો,
મહેક મહેકતો શબાબ આવે;
નયન તમારાં ઝૂક્યાં જરા તો,
લજામણીના કરાર આવે.

ધીમાં આ પગલાં સજાવે મહેફિલ,
અમારા ઘરમાં શમ્મા જલાવે;
તમારો ચહેરો છૂપાવ્યો દિલમાં,
શરદપૂનમ થઈ તું યાર આવે.

ક્યારે શરૂ થઈ ક્યારે પૂરી થઈ,
સફરની ખાલી સુવાસ આવે;
બીડાય આંખો જીવનની સાંજે,
સલૂણી પાછી સવાર આવે.

taintedsong.com taintedsong.com taintedsong.com

એવા આ હસ્તાક્ષર – શ્યામલ મુન્શી

October 15th, 2008 6 comments

સ્વર: જગજીત સિંહ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

અંતરનાં પાને હળવેથી અંકાયા સ્વર અક્ષર
સૂર શબ્દના થાય હૃદય પર સહિયારા હસ્તાક્ષર
એવા આ હસ્તાક્ષર.

વતન તણી માટીની ફોરમ ભીંજવી દેતી ભીતર
ફૂલ ફૂલની ઓળખ લઈને ખુશ્બુ વહેતી ઘર ઘર
સમય ભલેને સરી જાય પણ અમર રહે સ્વર અક્ષર
સૂર શબ્દના થાય હૃદય પર સહિયારા હસ્તાક્ષર
એવા આ હસ્તાક્ષર.

એક જ નાની ફૂંક વહે ને એક બંસરી વાગે
એક જ પીંછીં રંગ ભરે ને દ્ર્શ્ય સજીવન લાગે
કંઠ એક જો બને પૂજારી ગીત બને પરમેશ્વર
સૂર શબ્દના થાય હૃદય પર સહિયારા હસ્તાક્ષર
એવા આ હસ્તાક્ષર.

taintedsong.com taintedsong.com taintedsong.com

ઓ સિતમગર – મરીઝ

April 11th, 2008 4 comments

સ્વર: જગજીત સિંહ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ઓ સિતમગર દાદ તો દે મારી આ તદબીર ને,
લાજ રાખી લઉં છું તારી, દોષ દઈ તકદીર ને.

રૂબરૂમાં એની સામે એમ જોવાયું નહીં,
જેવી રીતે જોઉં છું હું એમની તસવીર ને.

વીંધનારાઓ બરાબર જાય છે મંજિલ ઉપર,
પંથ બદલે એ નથી આદત ગતીમય તીર ને.

એની અંદર શું હશે મારી બલા જાણે ‘મરીઝ’,
બહાર તો પત્થર મળ્યા મસ્જિદ અને મંદિર ને.

taintedsong.com taintedsong.com taintedsong.com

મેં તજી તારી તમન્ના – મરીઝ

December 3rd, 2007 3 comments

સ્વર: જગજીત સિંહ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

મેં તજી તારી તમન્ના તેનો આ અંજામ છે,
કે હવે સાચે જ લાગે છે કે તારું કામ છે.

છે સ્ખલન બે ત્રણ પ્રસંગોમાં મને પણ છે કબૂલ,
કોણ જાણે કેમ આખી જિંદગી બદનામ છે.

એક વીતેલો પ્રસંગ પાછો ઉજવવો છે ખુદા!
એક પળ માટે વીતેલી જિંદગીનું કામ છે.

મારી આ મજબૂર મસ્તીનો નશો ઉતરી ગયો
આપ પણ એવું કરો છો કે મને આરામ છે.

આપની સામે ભલે સોદો મફતમાં થઈ ગયો,
આમ જો પૂછો બહુ મોઘાં અમારાં દામ છે.

જિંદગીના રસને પીવામાં જલ્દી કરો ‘મરીઝ’,
એક તો ઓછી મદિરા છે, ને ગળતું જામ છે.

taintedsong.com taintedsong.com taintedsong.com

બસ એટલી સમજ મને પરવરદિગાર દે – મરીઝ

November 20th, 2007 3 comments

સ્વર: જગજીત સિંહ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

બસ એટલી સમજ મને પરવરદિગાર દે,
સુખ જ્યારે જ્યાં મળે બધાના વિચાર દે.

પિઠામાં મારું માન સતત હાજરીથી છે,
મસ્જીદમાં રોજ જાઉં તો કોણ આવકાર દે.

આવીને આંગળીમાં ટકોરા રહી ગયા,
સંકોચ આટલો ન કોઈ બંધ દ્વાર દે.

નવરાશ છે હવે જરા સરખામણી કરું,
કેવો હતો અસલ હું,મને એ ચિતાર દે.

આ નાનાં નાનાં દર્દ તો થાતા નથી સહન,
દે એક મહાન દર્દ અને પારાવાર દે.

સૌ પથ્થરોના બોજ તો ઊંચકી લીધા અમે,
અમને નમાવવા હો તો ફૂલોનો ભાર દે.

દુનિયામા કંઈકનો હું કરજદાર છું ‘મરીઝ’,
ચૂકવું બધાનું દેણ જો અલ્લાહ ઉધાર દે.

taintedsong.com taintedsong.com taintedsong.com