સ્વર: આલાપ દેસાઈ
સ્વરાંકન: આશિત દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

દર્દને ગાયા વિના રોયા કરો,
પ્રેમમાં જે થાય છે જોયા કરો.

બીક લાગે કંટકોની જો સતત,
ફૂલનો સુંઘો નહીં જોયા કરો.

કેમ આવ્યા આ જગે રડતા તમે?
જિંદગી આખી હવે રોયા કરો.

લ્યો હવે ‘કૈલાસ’ ખુદને કાંધ પર,
રાહ સૌની ક્યાં સુધી જોયા કરો?

સ્વર: આલાપ દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ઠોકરની સાથે નામ તુજ લેવાય છે ઈશ્વર,
તું કેવો અકસ્માતથી સર્જાય છે ઈશ્વર.

થોડા જગતના આંસુઓ, થોડા મરીઝના શેર,
લાવ્યો છું જુદી પ્રાર્થના, સંભળાય છે ઈશ્વર?

કે’ છે તું પેલા મંદિરે છે હાજરાહજૂર,
તું પણ શું ચકાચોંધથી અંજાય છે ઈશ્વર?

એનામાં માનતો હુંયે થઈ જાઉં છું ત્યારે,
મારામાં જ્યારે માનતો થઈ જાય છે ઈશ્વર.

સ્વર: આલાપ દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

“જરાક જોજો કોઈ ઘાવ ના કરી બેસે,
ઉંચા થનાર બધા હાથ કંઈ સલામ નથી;
જરા સ્વમાન છે તેથી હું ભાવ ખાવ છું,
નહીંતો આમ તો મારાય કશાય કામ નથી.”

મદિરાનું મને આથી શું વધુ શું કામ છે સાકી?
હતું જ્યાં દર્દ દિલમાં ત્યાં હવે આરામ છે સાકી.

અહીં એ યાદ આવે છે અહીં ભૂલું છું દુનિયાને,
સુરાલય મારો રસ્તો છે અને એ ધામ છે સાકી.

ન તું બોલાવ એને એ સુરા પીએ છે આંખોની,
સુરાલય ન આવે એવો એ ‘બેફામ’ છે સાકી.

સ્વર:આલાપ દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

તે છતાં મારી તરસ તો ક્યાં કદી છીપી હતી,
આમ ઊભાઊભ મેં આખી નદી પીધી હતી.

પાંદડા ભેગાં કરીને જેમ દરજીડો સીવી,
એમ મેં તૂટી ગયેલી કૈંક ક્ષણ સીવી હતી.

આભ આખું એકદમ તૂટી પડ્યું તો શું થયું?
વેદના વરસાદની માફક અમે ઝીલી હતી.

ટ્રેન ઊભી હોય શબવત્ રાહમાં સંકેતની,
જિંદગી આખીય મારી એ રીતે વીતી હતી.

ત્યારથી હું હર સમય મારા નશામાં હોઉં છું,
શૂન્યતાની એક પ્યાલી એમણે દીધી હતી.

આજે સાંભળીએ આજનાં જમાનાનું ગીત.. ગઈ કાલનું જીવન એ આજનું જીવન નથી તો આજનાં જીવનનાં સંદર્ભમાં આ ગીતમાં આધુનિકતાનો આનંદ પણ છે, ઉલ્લાસ પણ છે અને ક્યાંક ક્યાંક કટાક્ષ પણ છે. અહીં રાધા છે,પણ પરંપરાની રાધા નથી. ગીતનું શીર્ષક જ સૂચક છે. અહીં મોબાઈલ અને ઈન્ટરનેટની પરિભાષામાં લાગણીની લીલા સહજ અને સ્વાભાવિક રીતે સરળતાથી પ્રગટ થાય છે. માણીએ આ ગીત બે અલગ અલગ સ્વર અને સ્વરાંકનોમાં…

સ્વરાંકન: ચન્દુ મટ્ટાણી
પ્રસ્તાવના: અંકિત ત્રિવેદી
સ્વર: આલાપ – હેમા દેસાઈ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

પ્રસ્તાવના: તુષાર શુક્લ
સ્વર: શ્યામલ – સૌમિલ મુન્શી

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

વાંસલડી ડૉટ કૉમ, મોરપિચ્છ ડૉટ કૉમ, ડૉટ કૉમ વૃંદાવન આખું,
કાનજીની વેબસાઇટ એટલી વિશાળ છે કે કયાં કયાં નામ એમાં રાખું ?

ધારો કે મીરાંબાઈ ડૉટ કૉમ રાખીએ તો રાધા રિસાય એનું શું ?
વિરહી ગોપીનું ગીત એન્ટર કરીએ ને ક્યાંક ફ્લૉપી ભીંજાય એનું શું ?
પ્રેમની આ ડિસ્કમાં તો એવી એવી વાનગી કે કોને છોડું ને કોને ચાખું ?
કાનજીની વેબસાઇટ..

ગીતાજી ડૉટ કૉમ એટલું ઉકેલવામાં ઊકલી ગઈ પંડિતની જાત.
જાત બળી જાય છતાં ખ્યાલ ના રહે ને એ જ માણે આ પૂનમની રાત.
તુલસી, કબીર, સુર, નરસૈંયો થઈએ તો ઊકલે છે કંઈક ઝાંખું ઝાંખું.
કાનજીની વેબસાઇટ..

એ જ ફક્ત પાસવર્ડ મોકલી શકે છે જેના સ્ક્રીન ઉપર નાચે છે શ્યામ.
એને શું વાઇરસ ભૂંસી શકવાના જેનાં ચીર પૂરી આપે ઘનશ્યામ ?
ઇન્ટરનેટ ઉપર એ થનગનતો આવે, હું કોઈ દિવસ વિન્ડો ના વાખું.
કાનજીની વેબસાઇટ..
—————————————————
આભાર: લયસ્તરો