કાજળ ભર્યાં નયન નાં – અમૃત ‘ઘાયલ’

May 8th, 2007 3 comments

સ્વર: મનહર ઉધાસ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

જીવનમાં જો દુ:ખો હોયે તો જીવન મદિરાધામ થઇ જાયે,
આ દિલ સુરાહી ને નયન જામ થઇ જાયે.
તુજ નયનમાં નિહાળું છું સઘળી રાસલીલા હું,
જો કીકી રાધા થઇ જાયે તો કાજળ શ્યામ થઇ જાયે.

કાજળ ભર્યાં નયન નાં કામણ મને ગમે છે
કારણ નહિ જ આપું, કારણ મને ગમે છે
કાજળ ભર્યાં નયન નાં…

જીવન અને મરણની હર ક્ષણ મને ગમે છે
કે ઝેર પણ ગમે છે, મારણ મને ગમે છે
કારણ નહિ જ આપું, કારણ મને ગમે છે
કાજળ ભર્યાં નયન નાં…

દિલ તો હવે તને શું દુનિયાને પણ નહિ દઉં
એ પણ મને ગમે છે, આ પણ મને ગમે છે
કારણ નહિ જ આપું, કારણ મને ગમે છે
કાજળ ભર્યાં નયન નાં…

લાવે છે યાદ ફૂલો છાબો ભરી ભરી ને
છે ખુબ મહોબત્તીની માલણ મને ગમે છે
કારણ નહિ જ આપું, કારણ મને ગમે છે
કાજળ ભર્યાં નયન નાં…

‘ઘાયલ’ મને મુબારક આ ઉર્મીકાવ્ય મારાં
મેં રોઇને ભર્યાં છે એ રણ મને ગમે છે
કારણ નહિ જ આપું, કારણ મને ગમે છે
કાજળ ભર્યાં નયન નાં…

taintedsong.com taintedsong.com taintedsong.com

ઝટ જાઓ ચંદનહાર લાવો – ચીમનલાલ જોશી

May 4th, 2007 2 comments

સ્વર: સંજય ઓઝા, નિશા ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ઝટ જાઓ ચંદનહાર લાવો, ઘુંઘટ નહિ ખોલુ હું
મને લાગ્યો છે હારનો નેડલો, કંથ નહિ બોલુ હું

હે નહિ ચડે ચુલે રોટલી….
ને નહિ ચડે તપેલી દાળ…. સમજ્યા કે…
હારનહિ લાવી દીયો તો તો પાડિશ હું હડતાળ રે
ઘુઘુંટ નહિ ખોલુ હું….
ઝટ જાઓ ચંદનહાર લાવો…

નાણાં ના નખરા બધા….
ને નાણાં ના સહુ નાદ…. સમજી ને..
માંગવાનુ તુ નહિ મૂકે હે મને મુકાવીશ તું અમદાવાદ રે
ઘુંઘટ ઝટ ખોલો ને….
ઝટ જાઓ ચંદનહાર લાવો….

હે વડોદરી લાહવો લઉ ને કરું સુરતમાં લેહર
હાર ચડાવી ડોકમાં, મારે જોવું છે મુંબઇ શહેર રે
ઘુંઘટ નહિ ખોલુ હું…
ઝટ જાઓ ચંદનહાર લાવો….

અરે ભાવનગર ભાગી જઇશ….
કે રખડીશ હું રાજકોટ…. કહિ દઉ છું હા…
પણ તારી સાથે નહિ રહું, મને મંગાવીશ તું તો લોટ રે
ઘુંઘટ ઝટ ખોલો ને….

ઝટ જાઓ ચંદનહાર લાવો, ઘુંઘટ નહિ ખોલુ હું
મને લાગ્યો છે હારનો નેડલો, કંથ નહિ બોલુ હું

taintedsong.com taintedsong.com taintedsong.com

લેજો રસીયા રે…

May 3rd, 2007 No comments

સ્વર: ઉષા મંગેશકર, પ્રફુલ દવે

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

હે લેજો રસીયા રે, રૂમાલ મારો રંગદાર છે,
ઉડતો આવે તારી પાહે કેવો સમજદાર છે.

હે ચોળી ચટકદાર, કેડે કંદોરો
કાંબીને કડલા, ડોકે હીર નો રે દોરો.
હે તારો ઘુઘરીયાળો ઘાઘરો, ઘેરદાર છે….. હો લેજો
હે લેજો રસીયા રે….

મળતાં રે વેંત તેં તો, કામણ કીધું
દલડું દીધુ ને દલડું લીધું
મને કાળજે કટાર લાગી, આરપાર છે….. હે લેજો
હે લેજો રસીયા રે….

માનો મોરી વાત ગોરી, ઘૂમટો ના ઢાળો
હૈયુ ભરી જોવા દ્યો આંખડીનો ચાળો
હે તારી પાંપણ નો પલકારો, પાણીદાર છે….. હો લેજો
હે લેજો રસીયા રે….

જોબન રણકો મારા ઝાંઝર ના તાલમાં
જોબનીયુ ચાલમાં ને જોબન રૂમાલ માં
હે એમાં પ્રીત કેરો રંગ મ્હારો, ભારોભાર છે….. હે લેજો
હે લેજો રસીયા રે….

હે લેજો રસીયા રે, રૂમાલ મારો રંગદાર છે,
ઉડતો આવે તારી પાહે કેવો સમજદાર છે.

taintedsong.com taintedsong.com taintedsong.com

મુંબઇની કમાણી, મુંબઇમાં સમાણી…

May 2nd, 2007 4 comments

સ્વર: વિનોદ રાઠોડ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

લોકો સૌ કે છે કે મુંબઇમાં છે બહુ કમાણી
પણ મુંબઇની કમાણી, મુંબઇમાં સમાણી

જેવું ના સુકાયે મુંબઇના દરીયાનું પાણી
એવી ના સુકાયે કોઇ દિ મુંબઇની જવાની
પણ મુંબઇની કમાણી, મુંબઇમાં સમાણી

આ ચોપાટી… અરે દેખાણી….. હાં
આ તાજમહેલ હોટલ… દેખણી… અરે હાં હાં
અને મુંબઇની શેઠાણી દેખાણી… દેખાણી…
પાન-બિડું ને પાવડર ચોળી રાખે ઉંમર છાની
પણ મુંબઇની કમાણી, મુંબઇમાં સમાણી

એક નંબરના ઓછા ને બે નંબરના ઝાઝાં
ખીસ્સાં ખાલી, ભપકા ભારી, જાણે આલમભર નાં રાજા
અહિં કોમ-કોમનું થાય કચુંબર, જુદી જુદી વાણી
પણ મુંબઇની કમાણી, મુંબઇમાં સમાણી

અહિં બાર ફુટની ઓરડીવાળા મોટા મોટા માળા
અહિં શેઠ કરતાં થઇ સવાયા ફરે શેઠના સાળા
આ ટોળાંમાં કંઇ સમજ પડે નહિ કોણ પુરુષ કોણ બાળા
અહિં જુવાન ના વાળ ધોળા ને ઘરડાં ના વાળ કાળા
સાંજ પડે સૌ ભેળપુરીની કરતાં રોજ ઉજાણી
પણ મુંબઇની કમાણી, મુંબઇમાં સમાણી

અહિં મહાલક્ષ્મીની રેસ ને મહાલક્ષ્મી છે માતા
અહિં લાખો લોકો હારે ને લાખો લોક કમાતા
અરે એક મિનિટમાં બસ્સો-પાંચસો થઇ જાતા ધાણી
પણ મુંબઇની કમાણી, મુંબઇમાં સમાણી

અહિં રવિવાર છે રંગીલો એને સૌ કેહતા Sunday
અહિં રસ્તા વચ્ચે ચાલે એને પોલીસ મારે ડંડે
કોઇ સજ્જન છે કરમરકર ને કોઇ સજ્જન લોખંડે
નાના-મોટા સૌએ દોડે પોતપોતાને ધંધે
અહિં રેહવું હોય તો ઇકડમ-તીકડમ ભાષા લેવી જાણી
પણ મુંબઇની કમાણી, મુંબઇમાં સમાણી

taintedsong.com taintedsong.com taintedsong.com

દેખતા દીકરાનો જવાબ -ઇંદુલાલ ગાંધી

May 2nd, 2007 13 comments

અગાઉ મુકેલી પોસ્ટ ‘આંધળી માનો કાગળ’ ના અનુસંધાન માં આ ગીત દેખતા દીકરાનો જવાબ અહિં રજુ કરું છું.
સ્વર : હેમંત ચૌહાણ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ફાટ્યાં-તૂટ્યાં જેને ગોદડી ગાભાં, આળોટવા ફૂટપાથ,
આંધળી ડોશીનો દેખતો દીકરો, કરતો મનની વાત.
વાંચી તારાં દુ:ખડાં માડી ! ભીની થઈ આંખડી મારી.

પાંચ વરસમાં પાઈ મળી નથી, એમ તું નાખતી ધા,
આવ્યો તે દિ’થી આ હોટલને ગણી, માડી વિનાના ‘મા’
બાંધી ફૂટપાયરી જેણે, રાખ્યો રંગ રાતનો એણે !

ભાણિયો તો માડી ! થાય ભેળો જે દિ’ મિલો બધી હોય બંધ,
એક જોડી મારાં લૂગડાંમા, એને, આવી અમીરીની ગંધ ?
ભાડે લાવી લૂગડાં મોંઘા, ખાતો ખારા દાળિયા સોંઘા.

દવાદારૂ આંહી આવે ન ઢૂંકડા, એવી છે કારમી વેઠ,
રાત ને દિવસ રળું તોયે મારું, ખાલી ને ખાલી પેટ,
રાતે આવે નીંદર રૂડી, મારી કને એટલી મૂડી.

જારને ઝાઝા જુહાર કે’જે, ઊડે આંહી મકાઈનો લોટ,
બેસવા પણ ઠેકાણું ના મળે, કૂબામાં તારે શી ખોટ ?
મુંબઈની મેડીયું મોટી, પાયામાંથી સાવ છે ખોટી.

ભીંસ વધીને ઠેલંઠેલા, રોજ પડે હડતાળ,
શે’રના કરતા ગામડામાં, મને દેખાય ઝાઝો માલ,
નથી જાવું દાડિયે તારે, દિવાળીએ આવવું મારે.

કાગળનું તારે કામ શું માડી ! વાવડ સાચા જાણ,
તારા અંધાપાની લાકડી થાવાના, મેં લીધા પચખાણ,
હવે નથી ગોઠતું માડી, વાંચી તારી આપદા કાળી.

taintedsong.com taintedsong.com taintedsong.com