Archive

Click play to listen all songs in ‘સોલી કાપડિયા’ Category
This text will be replaced by the flash music player.

દિલ ઉદાસ છે – મનોજ મુની

May 16th, 2012 3 comments
આલ્બમ:મારા હૃદયની વાત
સ્વરકાર:સોલી કાપડિયા
સ્વર:સોલી કાપડિયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


આજે ફરીથી સાંજ પડે દિલ ઉદાસ છે,
છે સાથ તારો આજે છતાં મન ઉદાસ છે.

ઢળતા સુરજની લાલી ભરી ચકચૂર છે ગગન,
આછો ઉભરતો ચાંદ ક્ષિતિજે ઉદાસ છે.

હાથોમાં લઈને હાથ બસ જોતો રહ્યો તને,
આશ્લેષમાં શ્વાસો તણા સ્પંદન ઉદાસ છે.

થાશું જુદાં ફરી અને મળશું ફરી કદી,
મિલનમાં હસતી આંખોમાં કીકી ઉદાસ છે.

પૂજ્યા’તા દેવ કેટલાં તેં પામવા મને,
દઈ ના શક્યો વરદાન પ્રભુ પણ ઉદાસ છે.

taintedsong.com taintedsong.com taintedsong.com

ગીત – મનોજ મુની

March 15th, 2010 1 comment
સ્વર:સોલી કાપડિયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


રુમઝુમ આંખમાં આવી વસ્યા ત્યારે સ્ફૂર્યા ‘તા ગીત,
હવે વિખરી રહ્યા જે સ્વપ્ન એ સૌ નીકળ્યાં થઈ ગીત.

કહ્યું ‘તું એમણે મારે જ માટે લખજો એવું ગીત,
કે લખવું હોય બીજું પણ સુજે ના તમને કોઈ ગીત.

હૃદયમાં ધડકી ધડકી ને ઘુંટાયે ત્યારે બનતા ગીત,
નહીંતર લાખો રુદિયે છે છૂપ્યા કંઈ કેટલાંયે ગીત.

ગુંજે સૌના દિલે પ્રીતિ બની લખવાતા એવાં ગીત,
પણ નસ્તર થઈને ચક્ષુના રુદનમાં વહી રહ્યાં છે ગીત.

taintedsong.com taintedsong.com taintedsong.com

મોરલાનું તન દીધું ને – મનોજ મુની

December 22nd, 2009 3 comments
સ્વર:સોલી કાપડિયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


મોરલાનું તન દીધું ને હંસલાનું મન,
ગહેકી શક્યોના હું કદી, ભરી ના કદી ઉડન.

વિરાટ દઈને પંખ પછી ટૂંકું દીધું ગગન,
ક્ષિતિજ આવી ગઈ સમીપ ભરી જ્યાં એક ઉડન.
ઉડી ઉડી પડી જવું શું એ ભાગ્યનું કથન?
મોરલાનું તન દીધું ને હંસલાનું મન.

વ્યોમે વિહરતા આયખું ઓછું પડી ગયું,
જોજન થયા મજલું ખૂટી, ક્યાં છે ધરા નો અંત?
વીત્યું વિતાવ્યું ના વીતે તુજ ભોમ પર જીવન.
મોરલાનું તન દીધું ને હંસલાનું મન.

ચાતક તણી પ્યાસ દઈ વરસાવ્યા તેં મૃગજળ
સારસ તણો વિરહ દીધો, વિરહિણીના નયન,
વરસું હવે ક્યાં મન ભરી કહી દે તું એ ભગવાન.
મોરલાનું તન દીધું ને હંસલાનું મન..

taintedsong.com taintedsong.com taintedsong.com

અમને પાગલને – જગદીશ જોષી

November 25th, 2009 7 comments
આલ્બમ:મૌનના ટહુકા
સ્વરકાર:દક્ષેશ ધ્રુવ
સ્વર:આલાપ દેસાઈ, સોલી કાપડિયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


અમને પાગલને પાગલ કહી વારો નહીં,
આમ બીડેલા હોઠે પુકારો નહીં.

બારી ખોલો ને બારણાં તો બંધ,
છલકાયે નહીં એ તો કેવો ઉમંગ.
માટીમાં મહેંક છે, ગારો નહીં રે.
અમને પાગલને..

જળની આ માયા મેં છોડી નહીં,
અમને આપ્યા હલેસા પણ હોડી નહીં.
હું તો મારો નહીં ને હું તો તારો નહીં રે.
અમને પાગલને..

taintedsong.com taintedsong.com taintedsong.com

મારા હૃદયની વાત – મનોજ મુની

November 5th, 2009 6 comments

સ્વર: સોલી કાપડિયા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

મારા હૃદયની વાત તને કહી રહ્યો છું આજ,
વર્ષો વીતે ફરી મળ્યા તો વહી રહ્યો છું આજ.

કાલે સવાર પડતાં ને ઝાકળ ઉડી જશે,
ખરતાં ફૂલો મહીં જરા સુગંધ રહી જશે.
ફૂલો આંસુઓની કથા કહી રહ્યો છું આજ.
મારા હૃદયની..

દરિયો ઉલેચ્યો પાંપણે, આંખે ઉકેલી રેત,
મરજીવા થઈ મૃગજળ તણા માંડી ‘તી કેવી ખેપ.
મોટી થવાની કોરી વ્યથા કહી રહ્યો છું આજ.
મારા હૃદયની..

નજરું ભરી ભરી પ્રથમ મેં હેત ઠાલવ્યો,
સાનિધ્ય લઈ સ્મૃતિનું પછી મૌન જાળવ્યું.
શબ્દો શેરી સાંકડી ભેદી રહ્યો છું આજ,
પૂછ્યું તમે કે કેમ છો, પીગળી રહ્યો છું આજ.

taintedsong.com taintedsong.com taintedsong.com