હું ચહેરો ત્યાં જ – ખલીલ ધનતેજવી

January 17th, 2012 4 comments
આલ્બમ:અણમોલ
સ્વર:મનહર ઉધાસ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


હું ચહેરો ત્યાં જ છોડીને તને મળવા નહીં આવું,
કે દર્પણ તોડી-ફોડીને તને મળવા નહીં આવું.

ખુમારી તો ખરેખર વારસાગત ટેવ છે મારી,
હું મારી ટેવ છોડીને તને મળવા નહીં આવું.

કહે તો મારું આ માથું મૂકી લાવું હથેળી પર,
પરંતુ હાથ જોડીને તને મળવા નહીં આવું.

ટકોરા દઈશ પણ દરવાજો તારે ખોલવો પડશે,
કોઈ દીવાલ તોડીને તને મળવા નહીં આવું.

taintedsong.com taintedsong.com taintedsong.com

મીઠી લાગી છે મને – ભદ્રાયુ મહેતા

January 14th, 2012 7 comments
આલ્બમ:લલિત માધુરી
સ્વરકાર:ભદ્રાયુ મહેતા
સ્વર:નિષ્કૃતિ મહેતા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


મીઠી લાગી છે મને મોહનની વાંસળી
સંગે વિતાવી એની મેં તો સારી રાતડી
પૂછે ના કોઈ મને એની મીઠી વાતડી
હાયે લૂટાણી મારા હૈયા કેરી હાટડી

સાંવરિયાનું જાદુ એવું જાણે મુજને લાગ્યું ઘેલું,
હું શું બોલું, મોં ના ખોલું,
બોલું તો એટલું કે મીઠી એ તો રાતડી

પ્રેમ જોગીની જોગણ બનીને
રસિક રાજની રસિલી બનીને
ભાન ભૂલીને સાન ભૂલીને
ઓઢી ઓઢી છે મેં તો
એની મંગલ ઘાટડી.. મીઠી લાગી છે..

taintedsong.com taintedsong.com taintedsong.com

તમે કોઈ દિવસ પ્રેમમાં પડ્યા છો ? – મુકેશ જોષી

January 12th, 2012 11 comments
સ્વરકાર:કેદાર ઉપાધ્યાય
સ્વર:કેદાર ઉપાધ્યાય

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


તમે કોઈ દિવસ પ્રેમમાં પડ્યા છો ?
એકાદી મુઠ્ઠીનું અજવાળું આપવા આખીયે જિંદગી બળ્યા છો ?

તમે લોહીઝાણ ટેરવા હોય તોય કોઈના મારગથી કાંટાઓ શોધ્યાં ?
તમે લીલેરા છાંયડાઓ આપીને કોઈના તડકાઓ અંગ ઉપર ઓઢ્યાં ?
તમે એકવાર એનામાં ખોવાયા બાદ કદી પોતાની જાતને જડ્યાં છો ?
તમે કોઈ દિવસ પ્રેમમાં પડ્યા છો ?

તમે કોઈની આંખ્યુંમાં વીજના કડાકાથી ખુદમાં વરસાદ થતો જોયો ?
તમે કોઈના આભને મેઘધનુષ આપવા પોતાનાસુરજને ખોયો ?
તમે મંદિરની ભીંત ઉપર કોઈની જુદાઈમાં માથું મૂકીને રડ્યા છો?
તમે કોઈ દિવસ પ્રેમમાં પડ્યા છો ?

taintedsong.com taintedsong.com taintedsong.com

કુમ કુમ શું આભ ખુલ્યું – વિહાર મજમુદાર

September 28th, 2011 12 comments
સ્વર:ઉમંગી શાહ, નિનાદ મહેતા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


કુમ કુમ શું આભ ખુલ્યું લાગે, કે માડી અંબા ઉતરતી લાગે..
દિવ્ય તાલ સુર મધુર રાગે, કે માડી અંબા ઉતરતી લાગે..

મીઠી આ નિંદરમાં, ખિલ્યા ફૂલ શમણાંનાં,
મ્હેક એની પથરાઈ શ્વાસમાં;
માડી ની ઠમકંતી કુમકુમ શી પગલીઓ, જોઇ મેં શમણે ઉજાસમાં,
હું તો સુતી ને ધબકારા જાગે.. કે માડી અંબા ઉતરતી લાગે..

ભીનું ચંદન, ભીની શ્રધ્ધાની લાગણીનાં
દિવડા પ્રગટાવવાની વારતા..
ત્રિભુવનની પટરાણી અંબા જગદંબાની, આરતી નાં ઘંટારવ ગાજતાં,
સખી હૈયે અનંત નાદ જાગે.. કે માડી અંબા ઉતરતી લાગે..

કુમ કુમ શું આભ ખુલ્યું લાગે, કે માડી અંબા ઉતરતી લાગે..
દિવ્ય તાલ સુર મધુર રાગે, કે માડી અંબા ઉતરતી લાગે..

taintedsong.com taintedsong.com taintedsong.com

શ્યામ નૈનોના તીર – ભદ્રાયુ મહેતા

August 1st, 2011 18 comments
આલ્બમ:લલિત માધુરી
સ્વરકાર:ભદ્રાયુ મહેતા
સ્વર:નિષ્કૃતિ મહેતા

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


શ્યામ નૈનોના તીર ના મારો
કે મનડાની હાલત નાજુક છે
હવે ઝાઝું મને ના સતાવો
કે ચિત્તડાની હાલત નાજુક છે

જમાના તટ પર ને બંસી બાટ પર
મુરલીની તાનમાં મીઠી મુસ્કાનમાં
શ્યામ શીદને મને અકળાવો
કે ઘીરજ તુટવાની નજીક છે
શ્યામ નૈનોના તીર..

મુરલી અધારોમાં રહી મધુરસ પાન કરે
મારું મનડું તો બુંદ બુંદને તરસ્યા કરે
શ્યામ શીદને મને ટટળાવો
શું બાકી કસોટી કશીક છે?
શ્યામ નૈનોના તીર..

રાત મીઠી વાત મીઠી મુરલીએ મીઠી મીઠી
મીઠી મીઠી ચાંદની તવ મોહનીએ મીઠી મીઠી
શ્યામ શીદને મને ભરમાવો
આ મીઠી મધુરી તરકીબ છે
શ્યામ નૈનોના તીર..

taintedsong.com taintedsong.com taintedsong.com